شەهید محەمەد زەندەش ناسراو بە کاک بێکەس.
شوێنی شەهید بوون ناوچەی هەوشار- ڕۆژهەڵاتی کوردستان. ڕێکەوتی شەهید بوون 1363.3.16 هەتاوی- #06-06-1984#
ژیاننامە
لە ساڵی 1340ی هەتاوی 1961 زایینی لە گوندی سەرچنار سەربە شاری میاندواو لە ڕۆژەهەڵاتی کوردستان لە دایک بووە و تاقە برای 5 خوشک بووە.
قۆناغی سەرەتایی خوێندن لە گوندەکانی کەرێزەی عەلی ئاغا و کانی تۆمار سەربە شاری #بۆکان# خوێندووە و پاشان قۆناغی ناوەندی لە سەرچنار تەواو دەکا ئەو جۆری هاوپۆلەکانی باسی دەکەن دەرسی زۆر باش خویندوە و هۆشی زۆر باشی هەبوە پاش قۆناغی دواناوەندی لە شاری #مەهاباد# تەواو دەکا (لە مەهاباد خوێندویە و لە بەڵگەیەدا کە لە قوتابخانەی سەرچنار بۆ تەواوکردنی قۆناغی ناوەندی پێی دراوە، نووسراوە ئەو بەڵگەیە بۆ (دەبیرستانی محمەدرەزاشای شاری مەهابادە) و پاشان لە دانشسرای تەربیت موعەلیمی زێوە وەردەگیرێ.
و لە پاش تەواوکردنی دانشسرا لە ڕێکەوتی 1360.8.12 هەتاوی بەرانبەر بە 03-11-1981 وەک مامۆستای قوتابخانەی گوندی (زەرە شۆران) سەربە شاری (تیکاب) لە ناوچەی هەوشار دادەمەزری، لە ڕێکەوتی 1360.11.10 هەتاوی بەرانبەر بە 30-01-1982 وەک بەریوەبەری قوتابخانە گوندی (نەبی کەندی) هەر لە ناوچەی هەوشار دادەمەزرێت.
لە کاسێتێکی دەنگیدا کە بە دەنگی خۆی تۆمار کراوە باسی ئەوە دەکا کە چۆن بووەتە پێشمەرگە دەڵێ لە 21-10-1361 هەتاوی بەرانبەر بە 1 01-01-1983 زایینی بوومەتە پێشمەگەی حیزبی دیموکراتی کوردستان و بە دایکی دەڵێت: دایە گیان درووستە کە تۆ زۆر ئاوات و ئارەزووت بۆ من هەبوو بەڵام تەنیا ئاواتی من سەرکەوتنی گەلی کوردە. دەڵێ نیوی بێکەس نێویکە کە بۆخۆم بۆخۆمم هەڵبژاردوە ئەگەرچی کەسم زۆرە بەڵام ئەو نیوەم پی خۆشەو ئێوەش هەر بەو نێوە یادم بکەن. دەڵێ دەبێ داری ئازادی بە خوینی جەوانەکانی کوردستان ئاو بدرێ و لەو کاتەدای کە ئەرکی سەرشانی هەر جەوانێکە کە بۆ گەلەکەی تێ بکۆشێ و گیانی خۆی فیدا بکا دەڵی بەداخەوەم کە لە چوار ساڵی هەوەڵی شۆڕش دا نەتوانی نەقشێکی گەورەم هەبێ و بە باشی ئەرکی خۆم بە جێ بینم. دەڵێ بە پێی ئەو بیر و بروایە کە لە ڕابردوودا هەم بوو و تەواوی دڵمی داگیر کردبوو هاتمە نیو سەفی شۆڕشەوە و بە ڕاستی کردووەکانی ڕژیمی دژی گەلی بە بەرچاوی خۆمەوە بوو دەم دیت چ کوشتارێکی دەکرد لە مەنتقەی خۆمان لە جحێلی 14 ساڵە تا پیرە پیاوی 80 ساڵە و پیرێژنی قەتڵ و عام دەکردن دەڵێ بە ڕاستی ئەوانە گوناهیان چی بوو هەر ئەوەیە کە ئێمە دەبێ بە ژن و پیاو بەرەنگاری ئەو ڕژیمە بینەوە بە دژی هەستین و دەڵێ دەشزانم کە شەهید دەبم بەڵام خۆ ئاواش نەبایە دەمردم و چ خۆشە و شیرینە مردنێک کە بۆ گەل و نیشتمان بێ، خۆلاسە دوای ئەوە بە پلەی کادردەبێتە پیشمەرگەی هێزی شەهیدانی هەوشار و لە ڕێکەوتی 1363.3.13 بەرانبەر بە 03-06-1984 لە گوندی (کوچە تەڵا) هەر لەناوچەی هەوشار لەگەڵ چەن پیشمەرگەیەکی دیکە خۆ فرۆشێک گوزارشیان لێ دەدەا و دەکەونە کەمینەوە و هەموویان شەهید دەبن (12 نەفەر بوون) و شوینی گڵکۆکەشی لە گوندی (قۆجە) یە سەربە شاری تیکاب ناوچەی هەوشارە.
شەهید کاک بێکەس خۆشەویستی خەڵک بووە و ئەو جۆرەی باسی دەکەن هەر لە منداڵیەوە دژی زوڵم و زۆرداری ڕاوەستاوە و زوڵمی پێ قەبوڵ نەکراوە.