ئەندامێکی پەرلەمانی کوردستان لە فراکسیۆنی پارتی دیموکراتی کوردستان ڕایدەگەیەنێت، حکومەتی هەرێمی کوردستان نزیکەی حەوت ملیار دۆلاری کۆمپانیا ناوخۆی و بیانیاکان قەرزارە.
دڵشاد شەعبان، ئەندامی پەرلەمانی کوردستان لە فراکسیۆنی پارتی بە خەندانی ڕاگەیاند: "دوێنێ 9ی ئەیلولی 2015، لەگەڵ هەندێک لە پەرلەمانتارانی فراکسیۆنە جیاجیاکان سەردانی ئاشتی هەورامی، وەزیری سامانە سروشتیەکانی حکومەتی هەرێمی کوردستانمان کرد".
وتیشی: "وەزیری سامانە سروشتیەکان ڕوونیکردەوە کە حکومەتی هەرێمی کوردستان 20 ملیار دۆلار قەرزار نییه و ئەوەی دەوترێت دوورە لە ڕاستیەوە".
ئەوەشی خستەڕوو: "ئەوەندەی من بەدواداچوونم بۆکردووە، حکومەتی هەرێمی کوردستان نزیکەی حەوت ملیار دۆلاری کۆمپانیا ناوخۆیی و بیانیاکان قەرزارە، کە وابڕیارە ئه و پارەیەش بە نەوت بدرێتەوە".
ئاشکراشیکرد: "ئەگەر حکومەتی هەرێم 20 ملیار دۆلار قەرزی کردبێت، دەبوایە ئێستا ژیانی هاوڵاتیان لەم دۆخەدا نەبوایە".
- 10-09-2015
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 8,560 defa görüntülendi
Bu makale hakkında yorumunuzu yazın!