راگەیەندراوێک لە سەرۆکایەتیی هەرێمی کوردستانەوە لەبارەی بارودۆخی شاری عفرین
ماوەیەکی زۆرە شاری عفرین، لەلایەن ڕێکخستنە توندڕۆیەکانی وەک بەرەی نوسرە و ئەوانی تر، تووشی گەمارۆیەکی ئابووری و سەربازیی توند و بەرفراوان بووە. هەفتەیەکە ئەم گەمارۆیە توندتر بووەو بەوەشەوە نەوەستاون و دەستیان کردووە بە تۆپبارانی گوند و شارۆچکەکانی دەوروبەری عفرین. ئەمە لەکاتێکدایە کە کۆمەڵگەی نێودەوڵەتی سەرقاڵی دۆزینەوەی ڕێگە چارەیەکە بۆ قەیرانی سووریا و ڕاگرتنی کوشتوبڕ لەو وڵاتە.
ئێمە لە سەرۆکایەتیی هەرێمی کوردستان زۆر بە توندی ئیدانەی ئەم کارە قێزەوەن و نامرۆڤانەیە دەکەین کە دەرهەق بە خوشک و برایانمان لە عفرین دەکرێت، لەهەمان کاتدا نەبوونی خۆراک و دەرمان نیگەرانییەکانی ئێمەی زیاتر کردووە کە هەڕەشەی جدی دەخاتە سەر ژیان و گوزەرانی دانیشتوانی عفرین. بۆیە داوا لە کۆمەڵگەی نێودەوڵەتی و لایەنە پەیوەندیدارەکان دەکەین لەئاست بەرپرسیارەتییەکانیاندا بن بەرانبەر شاری خۆڕاگری عفرین و بە جدێ هەوڵی لابردنی ئەو گەمارۆیە بدەن. هەروەها داوا لە ڕێکخراوە خێرخوازییە نێودەوڵەتییەکان دەکەین کار بکەن بۆ گەیاندنی پێداویستییە سەرەکییەکانی ژیان و کردنەوەی ڕێڕەوێکی مرۆیی لەپێناو بەهاناوەچوونی دانیشتوانی ناوچەکە.
بە خوشک و برایانی خۆڕاگرمان لە شاری عفرین و دەوروبەری ڕادەگەیەنین کە ئێمە لەگەڵ ئێش و ئازارەکانتانداین و ئەوەی لەدەستیشمان بێت بۆ هاوکاریکردنتان درێغی ناکەین.
سەرۆکایەتیی هەرێمی کوردستان
07-12-2015
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 4,155 defa görüntülendi
Bu makale hakkında yorumunuzu yazın!