دەستەی دەسپاکی هەرێمی کوردستان ئاماری شەش مانگی ڕابردووی تایبەت بە دۆسیەکانی گەندەڵی و ئەو سکاڵایانەی ئاڕاستەیانکراون بڵاوکردەوە.
حاکم ئەحمەد ئەنوەر سەرۆکی دەستەی دەسپاکی هەرێمی کوردستان لە کۆنگرەیەکی ڕۆژنامەوانیدا ڕایگەیاند، لێکۆڵینەوە لە 19 داوای یاسایی بەردەوامە.
جەختیشیکردەوە، گەندەڵی هەڕەشەیەکی گەورەیەو دەبێت ڕوبەڕووی بنەوە.
لەرێککەوتنی 01-01-2016 تا 30-06-2016 ئامارەکانی سێ بەڕێوەبەرایەتی لێکۆڵینەوەی پارێزگای هەولێر و سلێمانی و دهۆک تۆمارکراوە، کە هەر سێ بەڕێوەبەرایەتیەکە سەر بە فەرمانگەی لێکۆڵینەوەکانە لەدەستەی دەستپاکی.
بەپێی ئامارەکە، کۆ گشتی ئەو زانیاریانەی کە بەشێوەیەکی گشتی بۆ فەرمانگەی لێکۆڵینەوەکان هاتووە 73 زانیارییە، داوای هەوڵدەرییەکان 92 داوای هەوڵدەریە، لەگەڵ 79 داوایی سزایی لە هەرسێ پارێزگاکە.
بەپێی ئامارەکە، بەڕێوەبەرایەتی لێکۆڵینەوەی هەولێر 44 زانیاری بۆهاتووە، 30 داوای هەواڵدەری و 22 داوای سزایی هەیە، بەڕێوەبەرایەتی لێکۆلێنەوەی دەستپاکی سلێمانی 12 داوای زانیاری و 13 هەواڵدەری 23 سزایی، دهۆک17 زانیاری 49 هەواڵدەری و 34 سزایی بۆ هاتووە.
لەو ماوەیەدا واتە شەش مانگی یەکەمی ئەمساڵ هەشت داوای سزایی بەگشتی داخراوە، چوار داوا ڕەوانەی دادگای تایبەتمەندکراوە بەمەبەستی دادگاییکردن، دوو داواش ڕەوانەی دادگای تایبەتمەند کراوە بە پێی تایبەتمەندی جۆری، یەک داواش ڕەوانەی دادگای لێکۆڵینەوە کراوە بەپێی تایبەتمەندی شوێنی.
هەروەها 64 داوای سزای لێکۆڵینەوە لێی بەردەوامە بە چاودێری دادوەری دادگای دەستپاکی، 19 یان لەهەولێرە و 17 داوای لە سلێمانیە و 28 داوا لە دهۆک ژێر لێکۆڵینەوەیە.
لەناو ئەو داوایانەدا وەزارەتی کارەبا شەش زانیاری هاتووە، حەوت داوای سزایی هەبووەو 12ی داوای هەواڵدەرییە، وەزارەتی تەندروستی دوو زانیاری و سێ داوای سزای و دوو داوای هەواڵدەری هەیە، پەروەردە چوار داوای سزایی و 24 داوای هەواڵدەری هەبووە، وەزارەتی دارایی، شەش داوای سزای و 18 داوای هەواڵدەریی هەیە.
هەروەها وەزارەتی پێشمەرگە هەشت زانیاری و یەک داوای سزایی و شەش داوای هەواڵدەریی هەیە، وەزارەتی سامانە سروشتەیەکان دوو زانیاری و چوار داوای سزایی و دوو داوای هەواڵدەری هەیە، وەزارەتی ڕۆشنبیری دوو داوای سزایی، داد دوو داوی سزایی یەک داوای هەوڵدەری، پارێزگای هەولێر یە داوای سزایی، وەزارەتی شارەوانی 15 داوای سزای و چوار هەواڵدەری، وەزارەتی ناوخۆ چوار زانیاری و سێ داوای سزایی و پێنج داوای هەواڵدەری.
دەستەو وەزارەتەکانی دیکەش بەم شێوەیەیە، دەستەی وەبەرهێنان، دوو زانیاری و یەک داوای سزایی و یەک داوای هەواڵدەری، وەزارەتی کشتوکاڵ یەک زانیاری و یەک هەواڵدەری، خوێندنی باڵا سێ زانیاری و چوار داوای سزایی و یەک داوی هەواڵدەری، پێنج داوای سزایی تاکەکەسی هەیە، پیشەسازیی و بازرگانی یەک داوای سزایی و سێ داوای هەواڵدەری هەیە، کاروکاروباری کۆمەڵایەتی یەک داوی سزایی، ئەو قاف یەک داوی هەواڵدەری، کۆمسیۆنی باڵای هەڵبژاردنەکانی عێراق دوو داوای هەواڵدەری هەیە.
- 10-08-2016