کۆمپانیای (گەنەڵ ئینێرجی) ئەمڕۆ دووشەممە (13)ی شوبات ئاشکرایکرد دوای واژۆکردنی ڕێککەوتنەکان لەگەڵ حکومەتی هەرێم، کۆمپانیاکەیان بەرەو کردنەوەی کێڵگەی غازی #بنەباوێ# و میران دەڕوات لە هەرێمی کوردستان.
لە بەیاننامەیەکدا کۆمپانیاکەدا سەبارەت بە پڕۆژە نوێیەکەیان ڕایگەیاند، ڕێکەوتنی دەرهێنانی غاز لەو کێڵگانە چەند مەرجێکی تێدایە، لەوانە جێبەجێکردنی ڕێکەوتنی کۆتایی لەسەر بۆرییەکانی گواستنەوە و چۆنێتی دەرهێنانی غازەکە، هەروەها جێبەجێکردنی دۆکیومێنتەکانی لایەنی دارایی ڕێکەوتنەکە و تەواوکردنی ڕاپۆرتی سەرپەرشتیارانی هەردوو کێڵگەی میران و بنەباوێ.
رونیشیکردۆتەوە، بەجێبەجێکردنی ئەم خاڵانە کۆمپانیای گەنەڵ دەستدەکات بە هەوڵەکانی بۆ هەناردەکردنی غازی سروشتی و بەپێی زانیارییەکانیش دەبێتە کۆمپانیای یەکەم لەهەرێمی کوردستان بۆ هەناردەکردنی غازی سروشتی بۆ تورکیا.
رێکەوتنەکە بۆ یەک ساڵە و هەردوو لایەن توانای هەڵوەشاندنەوەیان هەیە، ئەگەر لایەکەی دیکە لە خاڵەکانی ڕێکەوتنەکە دەرچوون.
ئاماژەی بۆ ئەوەشکردوە، هەر بەپێی ڕێکەوتنەکە (گەنەڵ ئینێرجی) بۆی نییە جگە لە کێڵگەی میران و بنەباوێ هەناردەی غاز بۆ هیچ کێڵگەیەکی دیکە بکات.
کێڵگەی بنەباوێ ڕۆژانە لەتوانایدایە (10 بۆ 20) ملیۆن مەتر سێجا غاز هەناردەبکات و کێڵگەی میرانیش نزیکەی (7 ملیۆن بۆ 14) ملیۆن مەتر سێجا هەناردەبکات.
هەر بەگوێرەی ڕێکەوتنەکە کۆمپانیای گەنەڵ بۆ هەر 28 مەتر سێجایەک لە هەناردەکردنی غاز بڕی (1.2) دۆلار وەردەگرێت.
وەرگێڕانی: شاد ئازاد
13-02-2017