دواڕۆژ، زریان محەمەد
جێگری سەرۆکی لیژنەی کشتوکاڵ و ئاودێری لە پەرلەمانی کوردستان دوای سەردانکردنیان بەغدا، بۆ چارەسەرکردنی کێشەی شایستەی دارایی جوتیاران و ئاوی سیروان ئاشکرای دەکات، ئێران ئامادەنیە گفتوگۆ لەسەر ئاوی سیروان بکات.
غەریب مستەفا حمەخان، جێگری سەرۆکی‌ لیژنەی کشتوکاڵ و ئاودێری لە پەرلەمانی کوردستان بە دواڕۆژی ڕاگەیاند وەک لیژنەی کشتوکاڵی پەرلەمانی کوردستان سەردانی بەغدامانکرد و هەشت کۆبونەوەمان لەگەڵ جێگری ئەنجومەنی نوێنەران و دەستەی سەرۆکایەتی و سەرۆک فراکسیۆنە کوردییەکان و لیژنەی کشتوکاڵ و سەرۆک کۆمار و وەزیری بازرگانی و وەزیری سەرچاوە ئاوییەکان ئەنجامدا.
ڕاشیگەیاند گفتوگۆمان کرد لەسەر شایستەی دارایی جوتیارانی کوردستان کە عەبادی کەمیکردۆتەوە و هەروەها لەسەر جیاکاری لە نێوان جوتیارانی کوردستان و عێراق لەو (2) تریلیۆن دینارەی بۆ پارەی گەنمی جوتیاران تەرخانکراوە و سندوقی دراوی نێودەوڵەتی بە قەرز دابینکردوە.
ئاشکراشیکرد پارەکە لە مانگی (10)ی ساڵی ڕابردوو بڕی 500 ملیار خەرجکرا بۆ جوتیارانی خواروو، ئێستا 900 ملیاری دیکە خەرجکراوە لەسەر ژمارە حسابی وەزارەتی بازرگانی عێراقە و عەبادی بڕیاریداوە تەنها لە (17%) پارەکە بۆ جوتیارانی کوردستان خەرج بکرێت، لەکاتێکدا پارەیەی 2016 جوتیاران 600 ملیارەو دەگاتە (38%) لای حکومەت ماوە.
لەبارەی کێشەی ئاوی سیروان وتی لەگەڵ وەزیری ئاوی عێراق کۆبونەوەی تایبەتمان ئەنجامدا پێمانڕاگەیاند ئێران بەنداوی دروستکردووە و بەتەواوی ئاوی سیروان کەم دەکات کە ساڵی ڕابردوو ئاوی سیروان 160 مەترسێجا لەچرکەیەکدا چۆتە دەربەندیخانەوە بەڵام لە ئێستادا 9 مەتر ماوەتەوە ئەوەش ئاوی سەرچاوەی خۆمانە.
جێگری سەرۆکی لیژنەی کشتوکاڵی کوردستان ئاماژەی بەوەشدا وەزیر پێیڕاگەیاندین ئاگادارین ئێران چی دەکات و نوسراومان کردووە بۆ وەزارەتی دەرەوی ئێران تا ڕێکەوتن بکەین لەسەر ئەو ئاوە، بەڵام بەهیچ جۆرێک ئامادە نین لەسەر ئاوی سیروان دانیشین.
ئاماژەی بەوەشدا وەزیری ئاوی عێراق پێیوتین کە دوای کردووە وەزیری ئاوی ئێران بێت بۆ کوردستان نەهاتووە، داواامکردووە من بچم بۆ ئێران ڕێگەیان نەداوە.
12-03-2017