ناوی تەواو: مەریوان محمود کاکەشێخ نەقشبەندی
لەدایکبوی ساڵی 1966ی ناوچەی هەورامانی سەر بەشاری #هەڵەبجە#. قۆناغەکانی خوێندنی سەرەتایی و ناوەندی و ئامادەییم لەشاری هەڵەبجە تەواو کردوە و دواتریش پەیمانگای تەکنیکی لەشاری #کەرکووک#
یەکێکم لە ڕزگاربوانی کیمیابارانی هەڵەبجە ساڵی 1988 وەرزشکارێکی ناسراوی ئەو سنورەبووم لەتەمەنی لاوێتیدا لەساڵی 1994 وەک فەرمانبەری حکومەت دامەزراوم و لەساڵی 1995 وە لەپاڵ ئەرکی وەزیفیمدا کاری ڕۆژنامەنوسیم کردوە و بەهەزاران بابەتم بەزمانی کوردی و عەرەبی لەرۆژنامە و گۆڤار و سایتەکان بڵاوکراوەتەوە لە ساڵی 1997 ڕاژەی وەزیفیم گواستۆتەوە بۆ وەزارەتی ئەوقاف و کاروباری ئیسلامی و وەک بەرێوەبەری ڕاگەیاندن و وتەبێژی وەزارەت زیاتر لە 20 ساڵ کارم کردوە بەشداریم لە نوسینەوەی ڕەشنوسی یاسای نوێی وەزارەت کرد کە ناوی ئەم وەزارەتەمان گۆڕی بۆ وەزارەتی ئەوقاف و کاروباری ئاینی و ساڵی 2007 پەرلەمانی کوردستان پەسەندی کردلەگەڵ 6 وەزیری کابینە یەک لەدوای یەکەکانی حکومەتی هەرێم کارم کردوە و لەو ماوەیەدا بەشداریم لەدەیان خولی پێگەیاندنی سەرکردە و پێکەوەژیانی ئاینی و لێبوردەیی و ئاشتی کۆمەڵایەتی کردوەبەهۆی خراپی باری ئابوری و خێزانداریەوە نەمتوانیوە خوێندنی ئەکادیمی تەواو بکەم بەڵام بەهۆی ئەزموونی ئەم ساڵانەوە ئێستا بەزمانی عەرەبی و ئینگلیزیش دەنوسم و قسە دەکەمبۆ کۆکردنەوەی ئەزمونی پێکەوەژیان و بەکارهێنانی لایەنە باشەکانی پێکەوەژیان سەردانی 27 دەوڵەتی جیهانم لەهەموو کیشوەرەکان کردوە و لەساڵی 2014وە بومەتە بەرێوەبەری پەیوەندیەکان و بەرپرسی دۆسێی پێکەوەژیانی ئاینی لەحکومەتی هەرێم ساڵی 2016 خەڵاتی ئازایەتی لەبواری ئازادی ئاینی لەلایەن کۆنگرێسی ئەمریکا و ساڵی 2017ش بروانامەی بەشداری پرۆگرامی(LVIP)وەزارەتی دەرەوەی ئەمریکام پێبەخشراوەرەنگە تاکە کەس بم لەرۆژهەڵاتی ناوەڕاست کە بەشداریم لەکۆبونەوە و کۆنگرەی ئاینی لە وڵاتانی(سعودیە – ڤاتیکان – ئیسرائیل - ئەفریقیای باشوور)کردوە کە مەرجەعی گەورەی چوار ئاینە گەورە و کاریگەرەکەی جیهانە(مەسیحی – ئیسلام – جوو – بودایی).لەهەرێمی کوردستانیش لەرێگەی ڕێکخراوەکانی نەتەوەیەکگرتوەکان و ڕێکخراوە ناحکومیەکان و لەرێگای وەزارەتی ئەوقافی حومەتی هەرێمی کوردستانەوە دەیان خولی بەهێزکردن و ڕۆشنبیرکردن و شارەزاکردنی مامۆستایانی ئاینیم بەڕێوەبردوە و ئێستاش بەردەواممخاوەنی بیرۆکە و برگەکانی یاسای ژمارە 5 ی پەرلەمانی کوردستانم کە سەرۆکی هەرێمیش بەبێ کێشە لەمانگی 5ی ساڵی 2014 ئیمزای کردوە و بەیاسای(مافی پێکهاتەکان) ناسراوە و ئەم یاسایە لەهیچ وڵاتێکی ئیسلامیدا هاوشێوەی نیە و بەتەواوەتی و یەکسانی مافی ئازادی ئاینی دەبەخشێتە هەر تاکێکی کۆمەڵگەی کوردەواری.
خێزاندارم و 3 منداڵم هەیە دوو کچ و کوڕێکلەپاڵ ئەم کارانەمدا لەسەرەتای دەستپێکردنی شەڕی #داعش#ەوە ئەندامی لیژنەیەکی حکومیم بۆ دەستنیشانکردنی هۆکارەکانی سەرهەڵدانی تیرۆر و بەدیکۆمێنتکردنی تاوانەکانی داعش و چۆنیەتی ڕوبەروبونەوەی فکری توندرۆیی لەکوردستان 14 جار بۆ سەرپەرشتیکردنی کاری حاجیان لەروی میدیایی و پەیوەندیەکان و کۆنگرە ئیسلامیەکان سەردانی سعودیەم کردوە و لەپاڵ کارەکەمدا حەجیشم کردوە.