نوسینگەی ڕاگەیاندن لە سەرۆکایەتی کۆمار سەرلەبەری ئه و هەواڵە ڕۆژنامەییە ڕەتدەکاتەوە کە گوایە سەرۆک کۆمار دکتۆر #فوئاد مەعسوم# لە سەردانە ڕانەگەیەنراوەکەی ئەم ئێوارەیەیدا بۆ شاری سلێمانی، پەیام یا داواکاریی یاخود مەرجی حکومەتی عیراقی یا هەر لایەنێکی پەیوەندیداریی ڕەسمیی یا نیمچە ڕەسمی پێ بێت بۆ سەرکردایەتیی یەکێتیی نیشتمانیی کوردستان و حکومەتی هەرێمی کوردستان.
له و بارەیەوە دووپاتی دەکەینەوە ئامانجی سەردانەکەی بەڕێزیان تاوتوێکردنی قەیرانی ئێستا و گەڵاڵەکردنی ڕێگەچارەی بەپەله و خێرایە بەمەبەستی زامنکردنی وڵات و گەلەکەمان لە مەترسییەکان و دابینکردنی کەش و هەوایەکی لەبار و چارەسەری ئاشتیی لەرێی گەڕانەوە بۆ لێکتێگەیشتن و دیالۆگ لە نێوان ڕۆڵەکانی یەک گەلدا.
بەڕێز سەرۆک کۆمار ڕوانین و ئەفکاری تایبەت و بنیاتنەری خۆی هەیە سەبارەت بە شێوازی چارەسەرکردنی قەیران و کێشەکان.
نووسینگەی سەرۆکایەتیی کۆماری عێراق
13-10-2017
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 3,864 defa görüntülendi
Bu makale hakkında yorumunuzu yazın!