جەماوەری تێکۆشەری کوردستان
پێشمەرگە قارەمانەکان..،
کەس وکاری سەربەرزی شەهیدان..
ئەوەی کەنەدەبوو ڕووبدات لە 16-10-2017دا بەداخەوە لەشاری #کەرکووک# دا ڕووی داو کاریگەرێتی خراپی کردە سەردەسکەوتەکانی گەلەکەمان کەبەدێژایی مێژووی سەدساڵی ڕابردوو گەلە سەربەرزەکەمان بەدەستی هێنابوو،واتە بە گیان فیداکاری و خەبات و تێکۆشانی بێ نووچ دان و بەخۆێنی هەزاران ڕۆڵەی ئەم گەلە و بە خۆراگری گەلەکەمان لەبەردەم ئەنفال و کیمابارانکردن و جینۆسایدکردنی،هەزاران گوندو ناوچەی کوردستان هێنراوەتەدی.
جەماوەری تێکۆشەری گەلەکەمان..
بەدرێژایی بیست و شەش ساڵی ڕابردوو گەلەکەمان دەسکەوتی لەمێژینەی بۆ ڕەخسا و توانی بیقۆزێتەوە لە دوای ڕاپەرینی 1991ەوە دواتر دامەزراندنی پەرلەمان و حکومەتی هەرێمی کوردستان بەرێوە بردنی هەرێمی کوردستان تا ڕووخانی ڕژێمی بەعس لە2003دا،سەرکردایەتی سیاسی کورد ئەوکات دەبوو بیری لە دیاریکردنی سنووری کوردستان بکردایەتەوە،بەڵام لەبەر هەل و مەرجی نێودەوڵەتی فیدراڵیەتی بۆ ئەو قۆناغە بە دەسکەوتێکی تری گەلەکەمانی زانی، دوای سەرهەڵدانی داعش و داگیرکردنی پانتایەکی زۆری خاکو ناوچەی سونەکانی عێراق،هێزی پێشمەرگەی کوردستان بەگیانبازی خۆی ئەوناوچەکوردستانیانەی گرتەوە دەست،بەڵام بەداخەوە بەرچاو تەنگی و ململانێی نادرووستی حیزبی و سیاسی گەیشتە ئەو ئاستەی دوژمن پەلکێش بکرێت بۆ ناوشاری کەرکووک، ئەوەی له سەدساڵی ڕابردوو بەدەستمان هێنابوو،لەچەند ساتێکدا لەباربرا..بەڵام ئێمە خەڵکی خۆڕاگری کوردستان دڵنیادەکەینەوە کەهێزی پێشمەرگەی کوردستان سوورە لەسەرداواڕەواکانی گەلەکەمان وبەردەوامە لەخەبات و تێکۆشان تا مافی چارەنووس وسەربەخۆیی کوردستان بەدەست دێت،هێزە عێراقیەکان بە چاودێری ئەمریکا و ووڵاتانی ناوچەکە کەرکووکیان داگیر کردەوە بەڵام ناتوانن ئیرادەی پێشمەرگە و ویستی گەل داگیر بکەن،بۆیە پێشمەرگە هەمیشە زیندووەو بەردەوام دەبێت.
وە ئەو دەنگۆیانەش ڕەتدەکەینەوە کە پێیان وایە داگیرکردنی کەرکووک بەهۆی ئەنجامدانی ڕیفراندۆمەوە بوبێت بەڵکو پرۆسەی ڕاپرسی کارێکی ڕاست و دروست بوو لە کاتێکی گونجاو و شایستە دا ئەنجامدرا،ئەوەی جێی هەڵوێستە لەسەرکردنە ئەوەیە کە ئەو هێرشەی کرایە سەر شاری کەرکووک بەچەکی ئەمریکی و بەئاگاداری ئەمریکا ئەنجام درا..بەلام گەلی کورد بە دیرێژایی مێژوو سەر نەوی نەکردوە و مێژووش ئەو ڕاستی یەی سەلماندوە و ڕۆڵەکانی گەلەکەمان بەردەوام دەبن لە خەبات و تکۆشان، هاوکێبشەی سیاسی لەناوچەکەدا بەجورێکی تر هەڵدەسوڕێ و دەبێ ئەمجارە سەرکردایەتی سیاسی کورد،سوود وەربگرێ لە معادلە نێودەوڵەتیەکاندا کە لەناوچەکەدا تۆختر دەبێیەتەوە.
وە ئاسۆی سەربەخۆی دێتەدی.
سەربەرزی بۆ جەماوەری خۆرڕاگری کەرکووک
سڵاو لەگیانی پاکی شەهیدانی کوردو کوردستان
#محەمەدی حاجی مەحمود#
18-10-2017