دواڕۆژ، رەڤەند گوھەرزی
ئەڤرو بەرێ بنیاتی بو چێکرنا دوو رێکا ب گوژمێ پتر ژ دوو ملیار دیناران ل سنورێ بەردەڕەش و ل ناحیا گردەسین ل قەزا #ئاکرێ# سەر ب پارێزگەھا دھۆکێ ھاتە دانان .
مسلح دھوکی، ل راگەھاندنا پارێزگەھا دھوکێ بۆ دواڕۆژ راگەھاند: ئەڤ پروژە ژبەر قەیرانا دارایی ھاتبو راگرتن وئەڤە دوو سال بو مە کار ل سەر ڤی پروژەی دکر و ب خوشحالیڤە ئەڤرو بەرێ بنیاتی بو ھاتە دانان وکەتە دوارێ بجھئینانێ دا .
دیار کر ژی: سەروکێ حکومەتا کوردستانێ ھاریکاربوویە بو چێکرنا پروژەی و درێژیا رێکێ 7کم وکوژمێ بو ھاتیە تەرخانکرن (587) ملیون دینارن.
داخویاکرن ژی: رێکا (کورکا - سورکان - خەلات - زێراڤ) ل ناحیا گردەسین ل قەزا ئاکرێ ھەژی گوتنێ یە درێژیا رێکێ (14)کم وبکوژمێ ملیارەک و742ملیون دینارا دێ ھێتە چێکرن وژمارەکا گوندا دێ مفای ژێ وەرگرن.
ل گور گوتنا مسلح، ل قوناغێن بھێت ئەو پر ژی دێ ھێنە چێکرن یێن ژبەر لەھیا ھاتینە خرابکرن ھەروەسا قوناغا سیێ ژی ژڤێ رێکێ ب زوترین دەم دێ ھێتە چێکرن .
راگەھاند ژی، ئەرکێ حکومەتا کوردستانێ وپارێزگەھا دھوکێ یە ھەموو خزمەتکاریا بو خەلکێ دەڤەرێ دابینکەن نەخاسمە خەلکێ ڤێ دەڤەرێ گەلەک شەھید قوربانی داینە وئەرکێ حکومەتێ یە خزمەتکاریێن گشتی دھەموو سەکتەراندا بو دابینکەت.[1]
#22-09-2018#