دواڕۆژ، بورهان یەحیا
نێزيکى نيڤ مليۆن قوتابيان ل 1646 قوتابخانەیێن پاريزگەها #دهۆک#ێ قەستا هولێن خواندنێ کر و زەنگا سالا نوو یا خواندنێ هاتە لێدان.
ئەڤرو سپێدێ 2/10/2018 ل قوتابخانا نوهات يا بنەرەتى ل باژێرێ دهوکێ ب ئامادەبونا فەرهاد ئەمين پارێزگەرێ دهوکێ و عومەر عەلى تاها رێڤەبەرێ گشتى يێ پەروەردێ زەنگا سالا نوی یا خواندنێ 2018-2019 هاتە لێدان و سالا نوو یا خواندنێ دەست پێکر کو نێزیکی نیڤ ملیون قوتابی ل 1646 قوتابخانەیان دەست ب خواندنێ کر.
د رێورەسمێن دەستپێکرنا سالا نوی یا خاندنێ رێڤەبەرێ گشتی یێ پەروەردێ ل پارێزگەها دهوکێ دپەیڤەکێ دا پیروزباهیا مامۆستا و قوتابیان و هەمی خەلکێ کوردستانێ کر بو دەست پێکرنا سالا نوى يا خواندنێ و هيڤى خواستن کو سالەکا سەرکەفتى بيت بو هەمى بياڤێن ژيانێ وب تايبەت بو کەرتێ پەروەردێ هەروەسا داخواز ژ دەیک و بابێن قوتایبان کر کو پەیوەندیەکا باش دناڤبەرا وان قوتابخانا دا هەبیت وهاریکار و پشتەڤان بن بۆ قوتابخانا و مامستایان داکو پاشەرۆژا زاروکێن وان گەشتر لێبهێت.
دیڤدا پارێزگەرێ دهۆکێ دپەیڤەکێ دا بەراهیێ پیروزباهی ل قوتابی و ماموستایان کر بو دەست پێکرنا سالا نوی یا خاندنێ و دیار کر کو پێدڤى يە گرنگى يەکا مەزن ب پروسا فێرکرنێ بهێتە کرن و لسەر بنەمايێن زانستى وپەروەردەيى ئاڤاکرنا قوتابيان بهێتە کرن و دقوناغا بهێت دا پێدڤىيە پتر گرنگى ب کەرتێ پەروەردێ بهێتە کرن و ئه و کێماسى و ئاريشێن هەين بهێنە چارەسەرکرن.
هەژی گۆتنێ یە نێزيکى 36000 مامۆستا و فەرمانبەر هەنە وبۆ ئەڤ سالە نێزیکی 500 هزار قوتابی ل سەرانسەری پارێزگەهێ قەستا هولێن خواندنێ ل 1646 قوتابخانان هەروەسا ل سنورێ پارێزگەهێ 25000 هزار قوتابیێن ئاوارە ل ناڤ و دەرڤەی کەمپا دخوینن زێدەباری 8000 قوتابیێن پەنابەرێن رۆژئاڤا ل ناڤ باژێرین پارێزگەهێ دخوینن و 62000 قوتابيێن پارێزگەها مويسل ل ناڤ باژێرێ دهۆکێ هەنە.[1]
#02-10-2018#