ئامادەکردنی: #زریان سەرچناری#
سلێمانی 2018
هێرش 1951 - 2013
تێ هەڵکێشی شیعری (بارگەی یاران) ی هێمن،
شارگەی یاران
دۆست و یاران کە هەموو سەربەهەوان من چبکەم؟
نە لەمان سیلە نیگایەک، نە لەوان من چبکەم؟
ئەچمە جێژوان بە خە یاڵ، خوێنەرەوان من چبکەم؟
(دێت و ڕادەبرێ وە کو سە ڕوی ڕەوان من چبکەم؟
کە بەقور بانی نە کەم ڕووحی ڕەوان من چبکەم؟)
بە ڕەوش چەشنی فرشتە، بە بەژن وەک ڤێنووس
بە نەخش جەوهەری جوانیی، دڵەکەم وە ک دەسنووس
شۆخی شۆخی دڵی بردم، سەری پیری بە خسووس
(قەدی ئەو شۆخە وە کوو دووخ و خەدەنگە ئەفسووس
پشتەکەم کۆمە وەکوو ماڵی کەوان من چبکەم؟)
یادی ئەو دەورە بەخێربێ کە لەسەر قەولی گراو
دامدەگرت سەنگەری جێژوانی بە چەک دەورە دراو
چ زوو بۆی نامەوە پیری ڕەشە داوی لەناکاو
(تازە هەنگاوی شلم کوانێ دەبێ بۆ شەوڕاو
جوانە زۆر جوانە بەڵێ ڕەوتی کەوان من چبکەم؟
تۆ بڵێی بێتەوە ئەو ڕۆژە، شەوێ دەربکەوم
بەکرە شۆڤاری دەغەڵ هەڵ بکەوێ ڕێی بکەوم
داخەکەم! جەردەیی پیری پەکی خست ڕەوت و ڕەوم
(زەبری ئاوزەنگی بڕاو شل بووە دەستی جڵەوم
دێ دەنا پڕمەیی بۆر و بدەوان من چبکەم؟)
چ دەپرسی گوڵەکەم، کوێیە مەکان و کەونم؟
لێک ترازاوە کر و ڕایەڵ و داوی تەونم
زار و بێزار و زەبوون، زەرد و کز و بێ لەونم
(ژوانی خۆشی هەڕەتی لاوەتی دێتە خەونم
کاتی ئاویلکە دەگەڵ زیندەخەوان من چبکەم؟)
عومرێ پێموابوو منیش دەوری مەی و پیاڵەم دێ
کوانێ دەمزانی کە ئەو ڕۆژە ڕەش و تاڵەم دێ
نییە ڕازدارێ بڵێم گیانە لە چی زاڵەم دێ
(شەو هە تا ڕۆژێ لە بەر ئێشی لە شم نا ڵەم دێ
دێتە گوێم دەنگی گەلۆ و نیوەشەوان من چبکەم؟)
دەخولێمەوە ئاوارە و بێچارە لە شاران
دەسناکەوێ یەکڕەنگ بێ ڕە فیقێ وە کوو جاران
بۆ نەگریم ئەمن ئەوڕۆ وەکوو هەوری بەهاران
(بارگەیان تێکەوە پێچاو بە ڕێ بوون یاران
لە دنێ وا بەتەنێ پاشی ئەوان من چبکەم؟)
چۆڵە جێژوان! بگره و هەڵایە شەڕە
لەش هڵۆڵە، دڵ کڵۆڵە، چاوەکەم سوور و تەڕە
ئەی پەری شادی وەرە تاوێ بە لاما تێپەڕە
(ژیانی من ئێستە وەکوو خۆری دەمی زەردە پەڕ
پێم نەما تین گوڕ و هێز و تەوان من چبکەم؟)
ماڵیان ئاوابێ ئەوانەی بە وەفا دەبزووتن
گەردن ئازادی لەوانەش، کە لە من لالوتن
خۆش بەودەمە ساقی بە سەفا پێکەوە جووتن
(سروە) هات خونچە گوڵی باخی ئەدەب پشکووتن
باخەوانی گەرەکە تازەجەوان من چبکەم؟)
کێ بوو؟ بۆ ئەهلی ئەوین، شیعر و وشەی وەک دوڕد بوو
دوڕی دەریای ئەدەب و پیرە هەڵۆی هەڵگورد بوو
بەرزە ناوی لە ژیان گەرچی بەڕواڵەت ورد بوو
(ئاو نەبوو ئەودەمی (هێمن) مەلەوانی کورد بوو
ئاو شوکر زۆرە وەرن زوو مەلەوان من چبکەم؟) [1]