دواڕۆژ، بورهان یەحیا
رێڤەبەرییا ساخلەمییا دەڤەردارییا #ئاکرێ# راگەهاند؛ ل سالا بۆرى ل سنۆرێ وان 558 حالەتێن پێڤەدانا دووپشک و ماران هاتینە تۆمارکرن و ژنەکێ ژى ژبەر ڤێ ئەگەرێ گیانێ خۆ ژدەست دایە.
بەرپرسێ راگەهاندنا رێڤەبەرییا ساخلەمییا دەڤەردارییا ئاکرێ (سەباح زوبێر) سەر ب پارێزگەها #دهۆک# بۆ دواڕۆژ راگەهاند: ل سالا 20199ێ ل سنۆرێ دەڤەرداریێ356702 کەسان سەرەدانا نەخۆشخانە و بنگەه و سەنتەرێن ساخلەمیێ کرینە , 10% ژوان ئاوارە و پەنابەر بووینە و15289 نەخۆشێن دومدرێژ ب شەکرێ سەرەدانا بەشێ شەکرێ کرینە و 7032 سەرەدانێن نەخۆشێن دومدرێژ یێن جورا و جور هەبووینە و 39260 نەخۆش هاتینە نڤاندن و447919 پشکنینێن جورا و جۆر هاتینە کرن.
دیارکر: ل سالا بۆرى 6262 زارۆ ل قەزا ئاکرێ هاتینە سەر دونیایێ و 6218 زارۆ ب ساخلەم ژ دایک بووینە و 44 مرى هاتینە سەر دونیایێ و 2362 زارۆ ب رێکا نشتەرگەریێ بووینە و 45 جێمک بووینە.
راگەهاند: ل سنۆرێ ئاکرێ 292 حالەتێن روودانێن هاتنوچۆنێ هەبووینە کو گەهاندینە نەخۆشخانەیاهەوارهاتنێ ژ وان ژى 18 کەسان ب ڤان روودانان گیانێ خۆژ دەست دایه و 8 حالەتێن خەندقینێ هەبووینە و 130 حالەتێن سۆتنێ هەبووینە و 4 کەسان گیانێ خوە ژ دەست دایه.
رێڤەبەرییا ساخلەمییا ئاکرێ ئاماژەکر: ل سنۆرێ وان 558 حالەتێن پێڤەدانا دووپشک و ماران هەبووینه کو 372 دووپشک و 186 ژى مار و 1 حالەتێ مرنێ ب پێڤەدانا مارى هەبوویە و ب شێوەیەکێ گشتی582 کەسان گیانێ خۆ ژ دەست دایه.
خویاکر: ل سنۆرێ ئاکرێ 784 جه هەنە کو پێدڤى ب سەرەدانێنە و ل سالا 2019 تیمێن زێرەڤانیا ساخلەمیا ئاکرێ 7438 سەرەدان بۆ وان جهان کرینە ژوان جهان ژى 141جه هاتینە گرتن 63 جه ژى هاتینە سزادان کو سەرجەمێ وان دبوو پترى 14 ملیۆن دیناران.
رێڤەبەرییا ساخلەمییا ئاکرێ دیارکر: سەبارەت ب بڕیارا حوکمەتێ یا گرێدای کلینیکێن نۆژدارى و دەرمانخانەیان ساخلەمیا ئاکرێ چەندین سەرەدان و دووڤچۆن کرن و 23 جه هاتینە سزادان کو 13 جه دەرمانخانه بوون و 8 کلینیکێن نۆژدارى و 2 کۆگەهێن هەلگرتنا دەرمانان.[1]
#09-01-2020#