ڕوونکردنەوەیەک لە فڕۆکەخانەی نێودەوڵەتی #سلێمانی# یەوە
وەک ئاشکرایە دوای تەشەنەکردنی ڤایرۆسی کۆرۆنا و بەمەبەستی کۆنترۆڵکردن و بڵاونەبونەوە و پاراستنی تەندروستی گشتی , (دەستەڵاتی فڕۆکەوانی شارستانی عێراقی) تەواوی گەشتە ئاسمانییەکانی بەڕووی گەشتیاراندا هەڵپەسارد و بە داخستنی کایەی ئاسمانی عێراق (IRAQI SACE) لە ڕێکەوتی (15/3/2020) وە بەو پێیە گەشتی گەشتیاران بۆ فڕۆکەخانەی نێودەوڵەتی سلێمانی وەستاوە.
ئەوەی جێگای سەرنجە ڕۆژانە بەشێکی زۆر لە هاوڵاتیانی گیرخواردوو و لە ناوە و دەرەوەی ووڵات گلەی و گازندە لە فڕۆکەخانە دەکەن بەڵام بە پێویستیمان زانی بەم چەند خاڵە بۆ هەموولایەکی ڕوونبکەینەوە:
1- ڕاگرتنی گەشتەکان و دەستپێکردنەوەی لە دەستەڵاتی فڕۆکەخانەماندا نی یە وەک لەسەرەتاوە ئاماژەمان پێکردووە ئەو بابەتە بڕیار و دەستەڵاتی فڕۆکەوانی شارستانی عێراقی یه.
2- ئەنجامدانی هەندێک گەشتی ناچاری کە بۆ بەشێک لە فڕۆکەخانەکانی عێراق ئەنجام دەدرێت , هەرچەندە ئێمە لەگەڵ شێوازی ئەو جۆرە گەشتانەدا نین کە بەجۆرێکە نرخی تکتەکان لەسەر هاوڵاتیان بۆ نزیکەی (دە) هێندە زیادی کردووە کە بەڕایی ئێمە ئەمە استغلالی هاوڵاتیان پارە کێشانەوە لەلایەن نوسینگەکانی ئەو کۆمپانیانەی کە گەشتەکان ڕێکدەخەن
3- بەداخەوە لەم بابەتەدا فڕۆکەخانەی نێودەوڵەتی سلێمانی پەراوێز خراوە و هیچ گەشتێکی بۆ ڕێکنەخراوە , کەئەمەش پەیوەندیدارە بە فەرمانگەی پەیوەندییەکانی دەرەوە و نوێنەرایەتی حکومەتی هەرێم لە بغداد کە بەپێی ی بەرنامەی دیاری کراو گەشتەکان ڕێکدەخەن.
4- ئێمە وەک فڕۆکەخانەی نێودەوڵەتی سلێمانی چەندین جار بە نوسراوی فەرمی تەواوی داواکاری هاوڵاتیان و کێشە و گیر و گرفتەکانمان بۆ سەر و خۆمان خستوەتە ڕوو تا بتوانرێت بەپێی پلان و ڕێکارێک کارئاسانی بکرێت بۆ ئەو هاوڵاتیانەی کە لە ناوەوەی ووڵاتن یاخود لە دەرەوە گیریان خواردووە بۆ ئەوەی بگەڕێنەوە بۆ شوێنی خۆیان ئەوەندەی لە دەستەڵاتی ئێمەدا بێت گەیاندنی داواکاری ئەو هاوڵاتیانەیە.
فڕۆکەخانەی نێودەوڵەتی سلێمانی لە ژێر بڕیار و ڕێنماییەکانی حکومەتی هەرێمی کوردستان و دەستەڵاتی فڕۆکەوانی شارستانی عێراقیدا کاردەکات و وە هەرکاتێک بڕیاری ئەنجامدانی گەشتی ناچاری یاخود دەسپێکردەوەی گەشتەکان بدرێت , فڕۆکەخانەمان بە جێ بەجێ کردنی ڕێنماییە تەندروستیەکانەوە لە ئامادەباشی تەواودایە بۆ ڕێکخستنی ئەو گەشتانە , بەهیوای جێ بەجێکردنی داواکاری هاوڵاتیان بۆ ئەنجامدانی ئەو گەشتانە بەزووترین کات.
هاونیشتمانیانی ئازیز....ئێوە تەندروست باشبن و پابەندی ڕێنماییەکان بن , ئێمەش بەردەوام دەبین لە خزمەتکردنتان.
فڕۆکەخانەی نێودەوڵەتی سلێمانی
#11-06-2020#