لەماوەی 11 مانگی ڕابردوی ئەمساڵدا، زیاتر لە86 هەزار ئۆتۆمبێل لەبەڕێوەبەرایەتیەکانی هاتوچۆ تۆمارکراون و لەسەرتاسەری هەرێمی کوردستانیش زیاتر لەیەک ملیۆن سەرپێچی لەلایەن شۆفێرانەوە ئەنجامدراوە.
بەگوێرەی ئه و زانیاریانەی لەبەڕێوەبەرایەتی هاتوچۆی گشتی هەرێمەوە دەست شارپرێس کەوتوە، لەماوەی 11 مانگی ڕابردودا واتە لە 1ی 1ی 2020 تاوەکو 30ی 11ی 2020، دوو هەزارو 699 ڕوداوی هاتوچۆ ڕویانداوه و ژمارەی ئەوکەسانەشی به و هۆیەوە گیانیان لەدەستداوە 409 هاوڵاتیە هەروەها چوار هەزارو 380 کەسی دیکەش برینداربون.
لەزانیاریەکاندا ئەوەش ڕونکراوەتەوە، هەر له و 11 مانگەدا یەک ملیۆن و 307 هەزارو 814 سەرپێچی تۆمارکراوە لەهەر چوار پارێزگای هەرێمی کوردستان کە لەلایەن شۆفێرانەوە ئەنجامدراوە.
دیارترین سەرپێچیەکانیش کە لای هاتوچۆ تۆمارکراوە بریتین لەتیژڕەوی و ڕاوەستان لەشوێنی قەدەغه و دواتریش بەکارنەهێنانی پشتێنی سەلامەتی و بەکارهێنانی مۆبایل لەکاتی شۆفێریدا.
هەر لەماوەی ئه و 11 مانگەدا زیاتر لە86 هەزار ئۆتۆمبێل تۆمارکراوە، لە#هەولێر# 50 هەزارو 75 ئۆتۆمبێل و لە#سلێمانی#ش 25 هەزارو 311و لە#دهۆک#یش 10 هەزارو 187 ئۆتۆمبێل تۆمارکراوە، کۆی گشتی ژمارەی ئۆتۆمبێلیش لەهەرێمی کوردستان گەیشتۆتە ملیۆنێک و 828 هەزارو 868 ئۆتۆمبێل.[1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 1,183 defa görüntülendi
Bu makale hakkında yorumunuzu yazın!