هێزەکانی 18 ی پیادەی ئینگلیز کە ژەنەڕاڵ فرایزەر سەرکردەی بەناوبانگ لەجەنگی جیهانی یەکەمدا سەرپەرشتی دەکرد
شەڕی دەربەندی بازیان لە 19 ی حوزەیرانی ساڵی 1919 ڕوویدا
لەو شەڕەدا هێزی 18 سوپای بەریتانیا لە شاری موسڵەوە جوڵێنرا بەرەو ناوچەکانی #سلێمانی# و دەربەندی بازیان
کەبوە مەیدانی جەنگێکی خوێناوی لەنێوان کورد و ئینگلیزدا
بەپێی سەرچاوە مێژووییەکان هێزەکەی ژەنەڕاڵ فرایزەر لە نزیکەی 70 هەزار سەربازی پیادە پێکهاتبوو
جگە لە کەرەستەی جەنگی پێشکەوتوو بەسەدان تانک و تۆپ و زریپۆش پاڵپشتی هێزە پیادەکەی دەکرد جیالەمانەش تەواوی هێزی ئاسمانی بەریتانی بەشدارییەکی فراوان و بەرچاوی تێدا کرد و بۆ یەکەمجار بۆمبای سوتێنەری قەدەغەکراوی جەنگی تێدا بەکارهێنا
هێزەکانی سوپای بەریتانیا لەم ڕەگەز و نەتەوە و تیرانە پێک هاتبوو:
1_هندیەکان
2_مەغۆل
3_سیک
4_ئەفریقی
4_ئەرمەنی
5_ ئینگلیز
6_ ئاسووری
بەڵام ئەو هێزە دەستوەشێنەی کە دەوری گرنگی هەبوو بەداخەوە بە خیانەتی ناوخۆ پشتی هێزەکانی کوردی گرت و گەمارۆیدا بریتی بوون لە هێزێکی دڕندەی مەغۆل کە لە 3000 هەزار شەڕکەری ڕاهێنراوی شەڕی شاخ و جێگە سەخت و دژوارەکان پێکهاتبوو.=KTML_Photo_Begin=https://www.kurdipedia.org/files/relatedfiles/2021/393078/0001.JPG=KTML_Photo_Alt=شەڕی دەربەندی بازیان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2021/393078/0001.JPG=KTML_Photo_End=
ئەم هێزەی مەغۆل زۆر وەحشیانە دەجەنگان تەنانەت دیل و بریندارەکانیان دەکوشت و دەسووتاندن بەنێزەکانیان سکی بریندار و شەهیدەکانی کوردیان هەڵدەدڕی شەڕی لەم جۆرە لە مێژووی شۆڕش و بزاڤی ئازادیخوازی گەلی کوردا ڕووی نەداوە بەهۆی نابەرانبەری و ناهاوسەنگی هێز جەنگاوەرانی کورد لەو داستانە خوێناویەدا دووچاری شکستێکی گەورە بوونەوە شێخ مەحمود کە لەبەرەکانی پێشەوەی نەبەردیدا ئازایانە لە بەرانبەر هێرشی دوژمنان و داگیرکەرانی کوردستاندا دەجەنگا لەناکاو بەدەستی سەربازێکی نەوەی مەغۆل بە دوو فیشەک بریندار کراو کەوتە سەر زەوی لەو شەڕەدا بەپێ ی سەرچاوە مێژووییەکان پتر لە 500 قارەمان و جەنگاوەری کورد شەهید دەکرێت و پتر لە 200 تێکۆشەر لە سوپا و لەشکری کوردستان دیل دەکرێن لەدوژمنانیش زیانێکی زۆریان بەرکەوت کە سەدان سەرباز مەزەندە کراوە
یەکێک لە سەرۆکەکانی هەمەوەند بەناوی حەمەڕەشیدی جوامێر ئاغا کاتێک بینی شێخ مەحمود بریندارکرا و کەوتە سەر زەوی هاوری کرد قوربان ئەی سەرکردە ی کورد وا دەگەمە لاتان بێخەم بە ناهێڵم بکەویتە دەست دوژمن کاتێک ئەم تێکۆشەرە نزیک دەبێتەوە لە شێخی بەردەقارەمان تۆپێکی ئینگلیز دێت و حەمەڕەشیدی هەمەوەندی قارەمان پارچەپارچە دەکات و شەهید دەبێت
مامی شێخ مەحمود حاجی سەید حەسەن کەزۆر ئازایانە دەجەنگا ئەویش کەوتە بەر شاڵاوی گڕی تۆپەکانی ئینگلیزو شەهید کرا
سەرەنجام سەرکەوتن بۆ سوپای داگیرکەری بەریتانیا بوو داستانی دەربەندی بازیانیش بوو بە مێژوویەکی گەش و لە لاپەڕە خوێناوییەکانی مێژووی گەلی کوردا تۆمار کرا.
سەرچاوە: پەڕتوکی دەوڵەتەکەی خوارووی کوردستان لە نووسینی محەمەد ڕەسوڵ هاوار چاپی لەندەن
یاداشتەکانی شێخ لەتیفی
حەفید
داستانی بەردەقارەمان: نووسینی شێرکۆ بێکەس کە لە دەقێکی ئەدەبی هۆنراوەدا بەوردی ئەم داستانەی پێشکەش بە گەلی کوردستان کردووە.
بنەماڵەی حەمەڕەشید ئاغای هەمەوەند
بنەماڵەی شێخ مەحمودی حەفید[1]