پرۆف.، ئاکادێمیک، کوردۆلۆگ، سەرۆکێ یەکیتیا کوردێن قازاخستانێ، سەرۆکێ فەدەراسیۆنا ناڤنەتەوەیییا داسپۆرایێن کوردا (فندک) کنیازێ ئیبراھیم (Князь Мирзоев) ئیرۆ دگێھێژە 74 ساڵیا خوە.
ژێ رە تەندورستیێ باش، ژیانەک بەختەوار دخوازن.
1ێ گولانا 1947ان ل ئەرمەنیستانێ ھاتییە دنێ.
رۆژھلاتزان، کوردزان، رەخنەڤانێ وێژەیێ، دۆکتۆرێ زانستێن فیلۆلۆژییێ، پرۆفەسۆر، ئاکادەمیسیەنێ، د ئوونیڤێرسیتەیا قازاخستانێیە دەولەتێیا ئالماتێ دا سەرەکێ ناڤەندا زمانێن جیھانێ و سەرەکێ یەکیتییا کوردێن قازاخستانێیە ب ناڤێ “بەربانگ”ە.
ک.میرزۆیەڤ دەمەکە درێژ د ئوونیڤێرسیتەیا دەولەتێیا ئەرمەنیستانێ دا، ل سەر پارا زمان و وێژەیا ئازەربایجانێ سەرەکتی کریە. د ئەنجاما شەرێ ئازەری و ئەرمەنییاندا، د سالێن 90ی دا مالا خوە بار کرییە قازاخستانێ، د ئوونیڤێرسیتەیا ئابایا دەولەتێ ل ئالماتێ سەرەکتییا پارا فیلۆلۆژییا رۆژھلات کریە و بوویە پرۆرەکتۆرێ (جگیرێ رەکتۆر) ئوونیڤێرسیتەیێ.
د بن سەرەکتییا ک. میرزۆیەڤ دا ژ دەھان زێدەتر کەس پرۆفەسییا فیلۆلۆگ و زانیارییێ قەزەنج کرنە. بوویە شێورمەندێ گەلەک مۆنۆگرافییێن دۆکتۆرایێ. ک. میرزۆیەڤ کو ل باژارێن وەکە پاریس، بەرلین، برووکسەل و ھود. ئەندامێ گەلەک ئوونیڤێرسیتە و ئەنستیتویێن لێگەرینا زانستێیە، ل باژارێن وەکە ئالماتێ، مۆسکڤا، سانکت-پەتەرسبورگ، باکوو، ئێریڤان، تیفلیس، پاریس، بەرلین، ئامستەردام، برووکسێل و تەھرانێ وەکە چالاک بەشداری کۆنفەرانسێن زانستییێن تەۆریک و پراکتیک بوویە.
ک. میرزۆیەڤ ئەندامێ یەکیتییا نڤیسکارێن یکسس (یەکیتییا کۆمارێن سۆڤێتا سۆسیالیست)، سەرەکێ پارا ئازەربایجانا یەکیتییا ئەرمەنیستانێ بوویە و رەداکتۆرییا کۆڤارا “ئەدەبی ئەرمەنیستان” کریە. د ھەمان دەمێ دا ک. میرزۆیەڤ ئەندامێ پەن-ا کوردە و ل ئالماتێ سەڕەداکتۆرییا کۆڤارا “نووبار” دکە، کو ئەڤ کۆڤار ب کوردی و رووسی تێ وەشاندنێ.
ک. میرزۆیەڤ د ژییانا جڤاکی و سییاسییا کوردێن سۆڤێتا بەرێ و کۆمارا قازاخستانێ دا رۆلەکە چالاک دلەیزە. بوویە جیگرێ سەرەکێ یەکیتییا گشتی کوردێن یکسسیێ1991). ژ 28ێ ئیلۆنا 2003ان دا سەرەکتییا “بەربانگ” - یەکیتییا کوردێن قازاخستانێ دمەشینە. ژ سالا 2002یان ڤا جیگرێ سەرەکێ یەکیتییا کۆمەلەیێن کوردێن ناڤنەتەوەیییە (مۆسکڤا).
د 22ێ جۆتمەھا 1998ان دا مادالیا “ھورمەتێ”یا کۆمارا قازاخستانێ وەرگرتییە، ژ بەر خزمەتا خوەیا د ھێلا جڤاکی و پەروەردەیێ دە.
د سالا 2006ان دا پرتووکا وییا ب ناڤێ “زمانێ کوردی” کو دو جیلدن و ژ بۆ کۆمێن 2-5 و 6-9 ھاتییە ئامادەکرن، ژ ئالییێ وەزارەتا پەروەردە و زانستێیا قازاخستانێ ڤا ھاتبوو پەسەندکرن، وەکە پرتووکا دەرسێ دەرکەتە رۆناھییێ. وی ئوسا ژی سالا 2006ان “بەرنامە و رێبەرییا مێتۆدیکایێ ژ بۆ مامۆستەیێ زمانێ کوردی” ئامەدە کرییە (ژ بۆ دەرسخانێن 2-9-ئان).
زمانێن وەکە کوردی، ئەرمەنی، ترکی، ئازەری، رووسی، قازاخی و فارسی دزانە.
پرتووکێن وییێن گرینگ:
“ژ دیرۆکا تێکلییێن وێژەیا ئازەربایجان-کورد”. ئەریڤان، 1975.
“نڤیسکارێن ئازەربایجانا ئیرانێ د دەرھەقا کوردان دە”. ئێریڤان، 1975.
“وێژەیا نەتەوەیی و پەڤگرێدانێن وێژەیێ”. ئێریڤان، 1985.
“ئاسۆیێن وێژەیی”. ئێریڤان، 1987.
“پرا دۆستانییێ”. باکوو، 1989.
“نیزامی و وێژەیا گەلێن رۆژھلات”. ئالماتا، 1995.
“تێکلییێن ناڤبەرا وێژەیان و پرسگرێکێن ڤارسی”. ئالمااتا، 1996.
“چارەنووسا دیرۆکا وێژەیا کورد”. ئالمااتا، 1998.
“کورد. ئانسیکلۆپەدییا بچووک”. ئالمااتا، 2001.
“کورد”. ئالمااتا، 2003 /ب ئینگلیزی/.
“وێژەیا کوردی/وێژەیا گەلێن قازاخستانێ”. ئالمااتا، 2004.
“زمانێ کوردی (2 جیلد)”. ئالمااتا، 2006.
“بەرنامەیا مێتۆدیکا زمانێ کوردی (ژ بۆ مامۆستەیێن کۆمێن 2-9)”. ئالماتا، 2006.
“کورد”. برووکسەل، 2006 /ب ھۆڵاندی/.
“ئانتۆلۆژییا دیرۆک و وێژەیا کورد”. ئالماتا. /ب قازاخی/ (ل بەر وەشانێیە).
ل #09-08-2021# چوویە بر دلوڤانێ خودێ
[1]
ھەژارێ شامل
—————-