عەدێ و مەدێ 03
سێ چار ڕۆژ بەسەر وەزعی عەدێ و حەوای خێزانی تێپەڕی و نازانم چیان بەسەرهات، ئەوەی دەیزانم ئەوەیە هێشتا ئاوی گەڕەکێ نەهاتتەوەو کارەباش چاوقووچانێمان لەگەر دەکا، گێم لێبوو گۆتیان لە باداوەی بوویتە هەڵلا و ئەو گەڕەکەی وەختی خۆی بەعس پێی دەگۆ گەڕەکی موخەڕیبان، برادەرانی خۆشمان ئەوڕۆ پێی دەرێن ئاژاوەچی، بەعس لۆیێ پێی دەگۆتن موخەڕیب، چونکە لەگە ڕۆژ ئاوابوونێ ئاسان نەبوو لۆ بەعسیان بچنە وێندەرێ، بەران ئەوڕۆ لۆیێ ئاژاوە چینە، چونکە تەنهاو تەنها دەرێن ئاومان دەوێ، ئاویش واتە ژیان، ئەدی هەموو جارێ مامەستا لەمەکتەبێ نەیدەگۆ ئاو واتە ژیان..!
لیستی کڕینی کەل و پەلیم لە داکی حەمموودی وەرگرت و هاتمە دەرێ، لەسەری کۆرانێ گەیشتمە عەدێ و مەدێی، لە دوورڕا پێدەکەنین و دەستیان هەردەشەقاند، حەواو ئەسمەریش لە دوویان دەڕۆیشتن، سەرو عەزیەکی گورگوری و عەبایەکی خەلیجیان لەبەربوو، ئەوی مەردان بەزاز لەکوران بە قستی بینەو نیەی دەداتە پڕو پیرەژنان..!
گەیشتینە ئێکدی و چاک و چۆنیمان کرد، گۆتم : کووە ئەوها درتان خۆشە ؟ مەدێ گۆتی : لەخوای بەزیادبی عەدێ ئەوجارەش قورتاری بوو..! گۆتم : کوو ؟ عەدێ گۆتی : وەڵلا هەر ئەو ڕۆژی تووشی بەزمەکەی بووین، هەستاین چووینە کن مەلایەکی، بە هەموو ئاقری خۆی بەمن دەرێ هیچ چارەت نیە ئیللا مارە بەجاش.! نەمکردە نامەردی و هەتتا مست گرتم لە قڕو قەپۆزم دا، وەڵلاهی کەپووی دەتگۆ مززەخەی پەرلەمانی تێهێخسترایە، خین وەها فڕکەی دەکرد، گەمبۆزەی دەیوویست لەو گۆڕەی دوو قۆچم لەسەری قەیمکا..! مەدێ گۆتی : ئەومان بە جێهێشت، ئەوە سێ ڕۆژە دەگەڕێین، بەو سبەینەی مەلایەکمان بەدەستکەت، خوا خێری بنووسی بێ مارە بەجاش چایکردەوەو عەدێ قورتاری بوو..! گۆتم : هەموو خەتای حکوومەتیە، ئەگەر ئەو ئاوی بدا عەدێ لۆ تووشی ئەو بەزمەی دەبوو..! عەدێ و مەدێ چاویان چووە پشتی سەری، هەروەختبوو بمخۆن، ئەلهەقی مەدێ بڕەک لە عەدێی ئاقر تربوو، بەران عەدێ کەرەک بوو بە چار پێیان..! ڕووی لەمن کردو گۆتی : باسی عوکمەتی نەکەی ها، ئەو عوکمەتە نەبی، ئەتوو ئێستا بەگوونی بە دارێ وەکرابووی، یان ئەتووش لە دوو فتنەی دەگەڕێی.؟ باشبوو مەدێ عەدێی سارد کردەوەو گۆتی : ئەوجارەش عەفووی کە، با ببتە خاتری چار پەقرەجە ئاوەکەی..! عەدێ هاواری کرد : کا چار بوو، دوو بوو..! مەدێ وەرامی داوەو گۆتی : کەرە، ئەتوو لۆ تێناگەی، ئاخر ئەمن ڕۆژەک پێشی توو ئەو گووەم خواردبوو، هەر ئەو زەلامە بە فریام کەت..!
مایتی..![1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 633 defa görüntülendi
Bu makale hakkında yorumunuzu yazın!