عەدێ و مەدێ 33
خار هەستاوە و نێزیک بۆوە لە وەکیل وەزیری و گۆتی: ئەتوو بەچ هەقەک ئەو گۆلکەت لۆ وەزیری ناوخۆ نارد؟ ئەویش گۆتی: وەڵلاهی گۆلکەکی زۆر خڕ و پڕ بوو لۆیێ! خار گۆتی: یان ئیشەکت بە وەزیری ناوخۆیە و دەتەوێ لۆت بکا؟ وەکیل وەزیر بڕەک بێدەنگ بوو، ئەوجە گۆتی: یەعنی! خار گۆتی: برێ چ ئیشت پێی کەتیە؟ گۆتی: وەڵلا پڕۆژەکی گەورە دەرچووە لۆ وەزارەتی ناوخۆ، حەزدەکەم وەزیر بیداتە من و ئیللەڵلا و بڕایەوە! خار گۆتی: خێرەکەی کوە؟ وەکیل گۆتی: بەلای کمی سەت ملیۆن دۆلار دەبی! خار گۆتی: ئەگەر ئەمن بکەیە شریک ئەمنیش هاوکاریت دەکەم! وەکیل گۆتی: کوو؟ خار گۆتی: ئەتوو بە وەزیری برێی ئەو پڕۆژەی بدە من ناتداتێ، بەران ئەگەر پێی برێی بداتە من، ئەوە بەشی هەر سێکمان دەکا، ئەمن و ئەتوو و وەزیری ناوخۆ! وەکیل بڕەک داما و گۆتی: زۆر باشە، بەران زەحمەت بتانین ئەو گۆلکەی بینینەوە! خار گۆتی: هەر دەبی بێتەوە، ئیشی من لەسەر ئەو گۆلکەی ڕاوەستایە، وەمەکە ئیشەکەم تێک بچی و زەرەرەکی زۆر بکەم، چونکە بەشەکی کاسبی من لەسەر ئەو گۆلکەیە!
خار لەو قسانە دابوو، ئاوڕەکی داوە و ئەمنی دیت، گۆتیە عەدێ و مەدێی: خۆڕینە، ئەوە ئەو زەلامە هەر لێرە مایە؟ بڕۆن بیبەنەوە و لێرەی مێلن! عەدێ گۆتی: بەسەرچاو خارە، گۆتم: ئەزیەت مەخۆن، بەخۆم دەڕۆم! خار گازی ئێکەکی کرد و گۆتی: وەرە کورە ئەو زەلامەی ببە و لەسەر جادەی فڕێی دە، زووش دێیەوە ها! کابرا گۆتی: سەرچاو خارە!
لەگەر کابرای سواری تڕومبێلی بووم و بەڕێکەتین، کابرا بەینەکی بێدەنگ بوو، دوایێ گۆتی: باشە بەستەزمانەکی وەکی توو چدەکا لێرە، کەس نما هاتیە ئێرە؟ گۆتم: وەڵلا عەدێ و مەدێ بزانن، ئەوان بەملیان داهینام! گۆتی: بەشەرەفم، خەرکەکی زۆر هەیە بە گەوادی نانی پەیدا دەکا! ئاخ ئەگەر ئەو پیرە داکە بەستەزمانەم نەدەبوو، کە حەفتەی جارەک دەبی گوچیلکی بشۆم، یەک دەقەی لێرە نەدەمام! گۆتم: باشە ئێرەت کوو دیتەوە؟ گۆتی: خزماتیمان هەیە، گۆتم: دیارە وەختی خۆی لەگەر خارت پێشمەرگە بووی؟ گۆتی: چبووینە؟ گۆتم: پێشمەرگە! گۆتی: کورە پێشمەرگەی چ و حاری چ، ئەو گەمبۆزە هەتا ڕاپەڕینەکەی جاش بوو، ئەوجە جاشی دەرەجە یەک، ئەنفال نەما نەیکا، دوایێش وەکی ئەو تەڕبەگانە هاتنەوە گێڕی گۆڕی و لە ڕەفیق حزبایەتی بووە خار! گۆتم: تێم ناگەینی نهێنی ئەو گۆلکەی چیە، خارت هەندەی مەرەقە بکەوتە دەستی؟ گۆتی: لۆت باس دەکەم، بەس وەعدم بدێ بە کەس نەرێی! گۆتم: وەعد!
گوجیلک: گورچیلە.
مایتی.[1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 800 defa görüntülendi
Bu makale hakkında yorumunuzu yazın!