عەدێ و مەدێ 38
مندار تێکڕا ڕاپەڕین و گۆتیان: قەوما! بەینەکی هەستی خۆم ڕاگرت بزانم چبووە، بەس قیژە قیژ بوو، داکی منداران گۆتی: بڕۆ بزانە ئەو جیرانە چیان لێهاتیە، عەیبە لەژۆرێ دانیشتی! چارەم نەما و غارم دا دەرێ، دیتم بەدە تەنگەستوور چرکاوی سەر ڕەسیفی بەسەری خۆی دادەکاو دەرێ: مەدێم ڕۆ، عەدێم ڕۆ، ئەسکۆم ڕۆ، مەدێم ڕۆ! غارم دا و گۆتم: تێمبگەینە چبووە؟ گۆتی: تەقاندیان تەقاندیان، ئەو گوجیلانە تەقاندیان! گۆتم: چیان تەقاند؟ گۆتی: سیلاع سیلاع، سیلاعە گەورەکە! چوومە ژۆرێ دیتم هەرئێکی لە لایەکی کەتیە! گۆتم: وەڵلا پێدەچی ئێکیان نەمابی، دیتم ئارپێچیەکە لەو ناوەی کەتبوو، هەرچی گەورە و گچکەشە بەگۆڕێ وەر ببوو، مەدێ لەو ناوەی لەسە زگ کەتبوو، پشتی هەمووی سووتابوو، وەرمگێڕا دیتم مایە، تەماشا ئەوانی دیم کرد هەموو مابوون، بەران لەترسان هەموویان کەتبوونە ئەو گۆڕەی! عەدێم قیت کردەوە، گۆتم: عەدێ کورە عەدێ، عەدێ! عەدێ سەری برند کرد و گۆتی: اللە خوامە، محەمەد پێغەمبەرمە! گۆتم: کورە دە هەستە هەی تۆڕی، هێشتا سەگتۆپ نەبووی، خۆ ئەمن نەکیر و مونکیر نیمە لەناو قەبری پرسیارت لێبکەم! عەدێ سەری قیت کردەوە و گۆتی: دەرێی مایمە؟ گۆتم: ئەرێوەڵلا، بەداخەوە مای! گۆتی: ئەدی کا ئەو سەگبابە چیلێهات؟ گۆتم: کیهان سەگباب، ئێرە پڕی سەگبابە! گۆتی: ئەوی ئارپێچیەکەی تەقاند، کامۆی دەرێم، کوڕی ئەسکەندەری! ئاوڕم داوە بزانم کامۆ لە کێیە، دیتم حەوشە پڕی خەرک بووە و گەڕەک هەمووی ڕژایتە مارێ مەدێی!
لەگە خەرکەکەی ئێک ئێک جەماعەتمان قیت کردەوە، گۆتم: مەدێی بگەیننە خەستەخانەی، پشتی عەدم بووە، جیرانەکان مەدێیان فڕاند لۆ تەواری، ئەسکەندەر پاری بە دیواری دابوو، وەکی بەخۆ هاتەوە دەستی بە پێکەنینێ کرد و پێبکەنە و پێبکەنە! سۆرێی ژنی گۆتی: بەس بزانم بەچ پێدەکەنی؟ ئەسکەندەر گۆتی: بەخوای فلیمەکەی خۆشبوو، برێ ئەو سەیە کوو ئەوها زانی ئەو ئارپێچیەی بتەقێنێ، وەڵلا خوا ڕوعمی کرد لوولەی لە عاسمانێ کرد بوو، ئەگەنا ئێکەکمان نەدەماین!
گۆتم: غاردەن بەدەی بیننە ژۆرێ، خۆی کووشت هەنکی چرکاوی پێش دەرکەی بە سەری خۆی داکا، دوو زەلام چوون هینایانە ژۆرێ، وەکی دیتی جەماعەت هەموو ساغن پشیەکی هاتەوە بەرێ، گۆتی: خۆ مەدێ سەلامەتە؟ عەدێ گۆتی: ئا ئا بەس پشتی سووتایە، چونکە وەختی تەقاندنێ لە پشت کامۆی ڕاوەستابوو، دووکەر و ئاگری ئارپێچیەکەی سووتاندیتی! ئەسکەندەر قیت بۆوە و گۆتی: دەبی کامۆی خۆڕی کێوە چووبووی، هەر هەندەم ئاگا لێبوو دەرپەڕی لۆ دەرێ!
مایتی.[1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 569 defa görüntülendi
Bu makale hakkında yorumunuzu yazın!