کوردە جووەکانی هەولێر
بەپێ ی سەرژمیری ساڵی 1947 ژمارەیان 3109 کەس بوونە بەریز (یوسف سالح) سەرۆک و لێپرسراوی جووەکانی هەولێر بوو (نیسان کانۆ) جێگری بووە.
ناوی کوردە جووەکانی هەولێر ئەوانەی ناسراو بوون
1- سالح یوسف نووری - ئەندامی ئەنجوومەنی شار لە پارێزگا.
2-سالحۆکە جوو - وردە والە و عەتاری دەفرۆشت دوکانی لەدەرگای قەیسەری گەورە بوو بە قەیسەری شهاب چەلەبی ناسراو بوو شوێنی ئیستای حاجی یونس حاجی تەها کە هەمان کار ئەنجام دەدەن.
3- ساسۆن برای نەسیم بەغدای - دوکانی لەناو قەیسەری داود ئاغا بوو خاوەن سەرمایەکی گەورە بوو.
4- ساسۆن ڕدێن گەورە - ناسراوی هەولێر بوو دوکانی لەشوێنی دوکانەکەی نوورادین خدر بووە.
5- ناجی شاول - پاریزەری جوو بوو لە هەولێر
6- شوعە مەخلوف - ماموستایەکی جوو بوو زانایەکی باشی گۆڕەپانی وەرزش بوو
7- دانیال عوزیر قەساب - هونەرمەندیکی ناسراوی هەولێر بوو جاریکیان وێنەی مەلیک فەیسەل دەکات بەدەست پێشکەشی مەلیک دەکات پاداشتیکی باش وەردەگری
8- مۆشی گۆج - دوکانەکەی لەناو بازاڕی عەتاران بوو بنێشتی دەفرۆشت
9- میخایلە جوو - شەریکی حاجی عوسمان و حاجی عەباس بوو
10- سلمان قلعەچی - کوتال فرۆش بوو دوکانی لەشوێنی فەهمی حاجی نادر بوو
11- زەکای بەبۆی قەساب - شەریکی عەبۆی ئیسلام بوو دوکانی لەناو چەخماخەکان بوو لە قەیسەری
12- یونا حبیب - موختاری بەشی تەعجیلی جوولەکەکان بوو ناسراوبوو بە (مانای)
13- هارون ڕەحیم - بازرگانی نەفتی دەکرد یەکەم نەفت فرۆشی شاری هەولێر بوو
14- شەمبیل و داود - لەقەیسەری داود ئاغا فەخفوری دەفرۆشت
15- خدرۆکە جوو - بەیتار بوو دەست وپێ ی شکاوی لەجێ دەناوە دەرمانی خمکاریش بوو
16- مراد سیتۆ- سەرمایەداریکی جوو بوو خەڵکیکی زۆر ی بەکار خستبوو شوێنەکەی کەوتبووە مالی پاشا لەنیو قەیسەری داود ئاغا
17- یاقۆ شەل - یاریزانیکی باشی یاری تاولە بوو دوکانی لەشوێنی دوکانی حاجی ئەیوب حاجی عوسمان بوو
18- نسیم بەغدای - لە جووە بەناوبانگەکانی هەولێر بوو بازرگانی لەنێوان شارەکان دەکرد. دووکانەکەی لەشوێنی دوکانی حاجی قەرۆک بوو
19- عزرا یەلدا - لەناو بازار دەزوو ئاوریشمی دەفرۆشت
20 - مۆشی سلیمان - دوکانی لە تەنیشت سەید محەمەد بوو بەرانبەر چایخانەی مام تاهیری بوو شەکری قەندی دەفرۆشت
21- ئیسحاق گوڵە - جاجم و مەوج و بەرمالی هەبوو لەکاتی ئیشکردندا حەیرانی دەگۆت
22- مووشی خوێزە - لە چایخانەکاندا دادەنیشت حکایەت سەربووردەی دەگیرایەوە
23-زەکی بارۆخ - ماموستا بوو
24- ناجی ڕحیم - پنماس افندی - دوو ماموستا بوون
ڕونکردنەوە:
سەبارەت بە دووکانەکانی ناو قەیسەری هەمووی موڵکی ئەحمەد چەلەبی بوو واتە جووەکان کرێ چی بوون کە ڕۆیشتن تەنیا شتومەکەکانیان فرۆشت..
سەبارەت بە خانووەکانی تەعجیلی بەشێکیان حکومەت وەری گرت دایە فەقیرو کەمدەرامەت بە کرێ یەکی کەم.
وەبەشێکیان درایە کەسایەتییەکی هەولێر بەناوی (ر. خ) هەندێکی بۆخۆی بەکاری هێنا هەندەکیان فرۆشتەوە وە بەشێک لەخانیەکانی جووەکان کرێ چیبوون زەرەریان نەکرد.[1]