دەقی ڕاگەیەندراوی حدک:
ڕۆژی شەممە ڕێکەوتی 17ی ئوکتوبری 2020ی زایینی بەرانبەر بە 26ی ڕەزبەری 1399ی هەتاوی هێرشکرایە سەر بارەگای پارتی دێموکڕاتی کوردستان لە بەغدا ولەو هێرشەدا بارەگای پارتی دێموکراتی کوردستان و ئاڵای کوردستان سووتێندران و بێڕیزی بە ئاڵای کوردستان کرا.
عێراقی ئەمڕۆ، لە ڕوانگەی سیاسی و دەستوورییەوە بەرهەمی تەوافوقی هەردوونەتەوەی کورد و عەرەب و پێکهاتەکانی ترە و هێماکانی هەرکام لەو نەتەوانە و دامەزراوەکانی ئەوان هەر لەسەر ئەو بنەمایە پارێزراو و جێگەی ڕێزن.
حیزبی دێموکڕاتی کوردستان بێڕیزی بە هێماکانی هەر نەتەوەیەک و هێرش بۆ سەر نوێنەرایەتی هەر لایەنێکی پابەند بە عورفی نێودەوڵەتی بە کارێکی ناشارستانی و بە پێچەوانەی ڕووحی لێک تێگەیشتن و ڕێزی بەرانبەر دەزانێ کە بۆ وڵاتێکی وەک عێراق کە بە هەلومەرجێکی هەستیاردا تێدەپەڕێ، پێویستەترە و لە هەمانکاتدا سووتاندن و بێڕێزی بە ئاڵای کوردستان ئەویش لە شوێنێکی وەک پێتەختی وڵات بە کردەوەیەکی ناشارستانی دەزانین.
هەر لەو کاتەدا هیوادارین کە کار و کردەوەی لایەنە توندڕۆکان کار نەکاتە سەر ڕووحی لێک حاڵیبوون و لێک تێگەیشتن و هاوکاریی بەغدا و هەولێر بۆ ئیدارەی هاوبەشی عێراق.
حیزبی دێموکڕاتی کوردستان
دەفتەری سیاسی
18 ئۆکتۆبێری 2020ی زایینی
27ی ڕەزبەری 1399ی هەتاوی[1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 1,104 defa görüntülendi
Bu makale hakkında yorumunuzu yazın!