سکرتێرە 83
پارێزەرەکەم گۆتی : با نەڕوا جەنابی دادوەر ئەمن هەندە پرسیاری دیم لێی هەیە ! دادوەر سەرەکی لەقاندو گۆتی : فەرموو بپرسە ! پارێزەرەکەم گۆتی : مریەم خان پرسیارەک ! مریەم خان گۆتی : فەرموو..! پارێزەر گۆتی : باسی مەسروفاتی ئاهەنگ و پێشوازیکردنت کرد لەوەزیری، دەکرێ بزانین کێ بڕیاری سەرفکردنی ئەو پارەی دابوو ؟ مریەم خان گۆتی : وەزیری تاوانبار..! پارێزەر گۆتی : ئاهەنگەکەتان چ ڕۆژ ساز کرد ؟ گۆتی : ئەو ڕۆژی وەزیر هات و دەست بەکاربوو، پارێزەر گۆتی : یەعنی کە وەزیر هات مەسروفاتەکرابوو، شتەکان کڕابوو ؟ گۆتی : بەرێ ! گۆتی : ئێ باشە ئەو شتانە پێش ئەوەی وەزیر بێ و دەست بەکار بی کڕیبتان، وەزیر کوو ئەمری سەرف کردنی دەرکردیە ؟ مریەم خان دەوی تێک ئاراو گۆتی : ئاخر دوایێ وەسل و شتەکانمان بردە کنی و ئەو ڕازی بوو لەسەری..! پارێزەرەکەم گۆتیە من : ئەتوو ڕەزامەندیت لەسەر دایە دوایێ ؟ گۆتم : نەخێر، شتی وا نەبووە، پارێزەرەکەم جانتای کردەوەو کۆمەرە وەسلەکی دەریناو گۆتیە دادوەری : جەنابی دادوەر ئەوەتە وەسلەکان و هەمووی ئیمزای مریەم خان و بەفرین خانی لەسەرە، نەک هەر ئەوە ئەو وەسلانە لە بازاڕی ڕا بە بەتاری هاتیەو لەناو وەزارەتی ئەو دوو ژنە بەکەیفی خۆیان پڕیان کردتەوە..! دادوەرو مریەم خان مشەوەش بوون، مریەم خان گۆتی : ئەو وەسلانە تەزویرن و ئەمن ئیمزام نەمکردیە ! پارێزەر گۆتی : جەنابی دادوەر تەماشای ئیمزای مریەم خانی بکە لەناو فایلەکەی بەردەستت، لەگەر ئیمزای سەر ئەو وەسلانە بزانە یەک ئیمزایە یان نا ؟ دادوەر تەماشای هەردوو ئیمزایەکەی کردو سەرەکی باداو گۆتی : ئەگەر ئیشت بە مریەم خانی نەمایە بابڕوا..! پارێزەرەکەم گۆتی : بابڕوا، ئیشم پێی نەمایە..
پارێزەرەکەم دانیشتەوەو ئەمنیش تەماشام کردو لایکەکم لۆ کرد، ئەویش زەردەخەنەکی کردو چاوەکی قوچاند.! دادوەر بەینەکی تەماشا فایلەکانی کردو گۆتی : با شایەت جەعفەر حەمەدەمین پارەوان بێتە ژۆرێ..!
بڕەک پێچوو جەعۆ هاتە ژۆرێ، زۆر بە کزو مەلوولی هات، هیچ تەماشا منی نەکرد و بە بێدەنگی چوو لەجێی شایەدان ڕاوەستا، دادوەر هەندە پرسیاری لێکردو ئەوجە سوندی دا، جەعۆ سوندی خواردو هەر تەماشا عاردی دەکرد، دادوەر گۆتی : جەعفەر ئەو قسانەی لێرەت کردیە ئی تووە ؟ جەعۆ گۆتی : بەرێ ! گۆتی : ئەو ئیمزایەش ئی تووە ؟ گۆتی : بەرێ..! دادوەر گۆتی : ئەتوو لێرە گۆتیتت تاوانبار زۆربەی شەوان دەچووە ناو مەزرەعەی برادەرەکانی و هەتا نیوەی شەوێ ڕایدەبوارد ؟ جەعۆ گۆتی : بەرێ ! دادوەر گۆتی : وەزیر بەتووی دەگۆ بڕۆ ژن و منم لۆ بینە ؟ گۆتی : بەرێ ! دادوەر گۆتی : لۆ بەتووی دەگۆ ؟ جەعۆ گۆتی : ئاخر ئەمن سایەقی بووم..! دادوەر گۆتی : یەعنی داوای دەکرد گەوادی لۆ بکەن ؟ جەعۆ گۆتی : بەرێ ! دادوەر گۆتی : هەر بەتووی دەگۆ ؟ جەعۆ گۆتی : نەخێر، بەمن و مام عەوڵاو ژنەکانی نا وەزارەتیشی دەگۆ..! دادوەر گۆتی : ئەتوو ژنت هینایە کوڕم ؟ جەعۆ گۆتی : ئێستا بێ ژنم گەورەم..! دادوەر گۆتی : بەتەمانی بینی ؟ جەعۆ گۆتی : وەڵلا ژنەکم دیتەوە، بەس ئەو وەزیرە لێی تێکدام، گۆتبووی مەیدەنێ خۆڕیە..!
دادوەر گۆتی : دیارە تاوانبار ماری کیژەی دەناسی ؟ جەعۆ گۆتی : بەرێ کیژە کیژی مام عەوڵای پاسەوانی وەزیری بوو ! دادوەر گۆتی : ئەتوو چیدی گەندەڵیت لەوەزیری دیتیە ؟ جەعۆ گۆتی : بەرێ گەورەم، ئەو هەموو ئیش و کاری بەس گەندەڵی بوو، هیچی چاکەی نەکردیە ! دادوەر گۆتی : ئەدی لۆ ئەوەندە لەگەری مایەوە ؟ جەعۆ گۆتی : ئاخر دەمویست بزانم دەگاتە کێندەرێ..! دادوەر گۆتی : بێجگە لە سایەقی لەگەر تاوانباری، ئەتوو چ ئیشی دی دەکەی ؟ جەعۆ گۆتی : کۆتر بازم..! دادوەر پێکەنی و گۆتی : وامزانی دەرێی مندار باز ماخران..! ئەوی لەوێبوو مردن هەنکی پێبکەنن.! جەعۆ گۆتی : ئەستەغفیرەڵلا گەورەم، ئەو ئیشانە لەمن ناوەشێتەوە، ئەگەر دەشرێی جۆتە کۆترەکی سەر بەقەپڵاغت لۆ دەینم بەدیاری..! دادوەر گۆتی : جارێ وەختی هەندێ نیە..
دادوەر گۆتیە پارێزەرەکەم هیچ پرسیارت هەیە لەو شایەدەی ؟ پارێزەرەکەم هەستاوەو گۆتی : بەرێ پرسیارم هەیە جەنابی دادوەر.! دادوەر گۆتی : فەرموو لێی بپرسە..! پارێزەر چووە کن جەعۆیی و گۆتی : کاک جەعفەر ئەتوو لەگە کێ دەژی ؟ جەعۆ گۆتی : لەگە داکم، ئەوجارە لێی پرسی : داکت ئێستا لە کێیە ؟ جەعۆ گۆتی : لە مارێیە ! پارێزەر گۆتی : ئەتوو لەکێبووی هەتا ئەوڕۆ ؟ جەعۆ بێدەنگ بوو ! داواکاری گشتی گۆتی : جەنابی دادوەر ئەو پرسیارە هیچ پەیوەندی بەو کەیسەی وەنیە ! دادوەر گۆتی : واز لەو پرسیارەی بینە، ئەتوو هەقت چیە ئەو پێش ئێستا لەکێ بووە، پارێزەرەکەم گۆتی : جەنابی دادوەر داوا دەکەم جەعۆ یەکجار سەری برند کاو تەماشا وەکیلەکەم بکا..! دادوەر گۆتی : لۆ ؟ پارێزەر گۆتی : ئەمن ئەو داواکاریەم هەیە و تەواو..! دادوەر گۆتیە جەعۆی : جەعفەر سەرت برندکەو تەماشا تاوانباری بکە ! جەعۆ بەینەکی بێدەنگ بوو، دوایێ گۆتم : تەماشای ناکەم، نامەوێ بیبینم..! پارێزەرەکەم گۆتی : جەنابی دادوەر مادام تەماشای ناکا، داوا دەکەم ئەو جلکەی لەبەر جەعۆی بکەنەوەو پشتی ببینین..! داواکاری گشتی و دادوەر گۆتیان بەهیچ شێوەکی ڕێگا نادەین، چونکە ئەوە هیچ پەیوەندی بەو مەسەلەی نیە، ئەگەر پرسیاری دیت نیە، با ئەو شایەدە بڕوا..! پارێزەرەکەم گۆتی : هیچم ناوێ هەر ئەوە نەبی دەمەوێ پشتی جەعفەری ببینم..! دادوەر گۆتی : ڕێگا نادەم..
ئەمن دامابووم و فکرم لە جەعۆی دەکردەوە، لەهیکڕا سەرم برند کردو تەماشام کرد، دیتم فرمێسک لە هەردوو چاوی دەهاتە خوارێ ! دادوەر گۆتی : جەعفەر ئەتوو دەتانی بڕۆی..! جەعۆ هەستاوە بڕوا، گەیشتە کەرخی قەفەزەکەی ئەمنی تێدابوو، بەینەکی ڕاوەستا، هەر تەماشا عاردی دەرکرد، پۆلیسەکە پێیگۆ : ڕامەوەستەو بڕۆ..! جەعۆ نەڕۆیی، گەڕاوەو چۆغەرو کراسی بەری لەبەر کردەوەو پشتی لەمەو لە دادوەرو پارێزەری کردو گۆتی : ئەوەش پشتم و باش ببینن، بزانن چیان لێکردیمە..! تەماشا پشتی جەعۆم کرد دیتم یەک پارچە برینەو هەمووی شەق شەق بووە..!
ئاگرم لەهەناوی بەربوو، فرمێسک بەهەردوو چاوم داهاتە خوارێ، خۆم پێنەگیراو گۆتمە دادوەری : دەبینی چیان لەو بەستەزمانەی کردیە، ئەوە عەدالەت و دادپەروەری و مافی مرۆڤینگۆیە ؟ ئەوها ئەو میللەتەی بەڕێوەدەبەن و داوایان لێدەکەن خاک و نیشتمانیان خۆشبوێ، بەزەبری لێدان و کووتانی خەرکی دەکەنە شایەد لۆ کەیسەکی کە هەر هەمووی بوختان و درۆیە..؟ دادوەر گۆتی : بێدەنگ بەو لەجێی خۆت دانیشە.! ئەوجە گۆتیە پۆلیسەکی زوو ئەو شایەدەی ببەنە دەرێ ! پۆلیسەکە ڕووبووە جەعۆیی و ڕایکێشاو بەتووندی بردیە دەرێ..! پارێزەرەکەم گۆتی : جەنابی دادوەر ئەمن پرسیارم لەو شایەدەی هەبوو، دەمەوێ بزانم کێ پشتی ئەوها لێکردیەو لۆ وەیان لێکردیە ! دادوەر گۆتی : واز لەوەی بینەو وا ناوم لە لیستی شایەدەکان سڕیەوە، پێویست ناکا پرسیاری لێبکەی..! با گوڵاڵە مەجید ڕەحمان بێتە ژۆرێ..!
هەندەی نەبرد گوڵاڵە خان هاتە ژۆرێ، لە دادوەری نێزیک بۆوە، دادوەر ناوی سێیانی و ناونیشانی ئیش و کاری لێ پرسی، ئەویش وەرامی داوە، دادوەر سوندی گوڵاڵە خانی داو ئەوجە گۆتی : فەرموو قسان بکە بزانم چت هەیە لەسەر ئەو تەوانبارەی ؟ گوڵاڵە خان بەینەکی بێدەنگ بوو، ئەوجە سەری برند کردو تەماشا منی کرد، لەناو هەردوو چاوەکانی خەمەکی گەورەم دەدیت، هەستم دەکرد ئەو ژنە زگی بەمن دەسووتێ و دەزانی غەدرەکی گەورەم لێکرایە، بەران چارەی نیەو هینایتیان شایەدیم لەسەر بدات..!
گوڵاڵە خان بەینەکی باش بێدەنگ بوو، دادوەر گۆتی : لۆ قسان ناکەی گوڵاڵە خان، دیارە تاوانەکان هەند گەورەنە نازانی کوو باسیان بکەی ! ناهەق نی، ئەمەش هەموو وەکی توو سامگرتی بووینە بەرامبەر بەو هەموو تاوانەی ئەو کابرایە کردیتی، حکومەتەکەمان باوەشی لۆ کردەوەو پلەی گەورەی دایێ، بەران ئەو ئیستیغلالی ئەو پلەی کردو ئەوەی پێی کرا کردیتی، هەتا ئەو نەوعە دڕندانە مابن ئەمە نابینە هیچ و ناگەینە هیچ..! پارێزەرەکەم هاتە وەرام و گۆتی : جەنابی دادوەر ئەتوو دادوەری نەک شکایەتکەر هەتا ئەو قسانە بکەی.! دادوەر چەکوچەکی لەمێزی داو گۆتی : هەموومان شکایەتکەرین بەرامبەر خائین و تاوانبارو دوژمنانی ئەزموونەکەمان..! گوڵاڵە خان سەری برند کردو گۆتی : جەنابی دادوەر کاتم دەدەیێ قسان بکەم یان بەردەوام دەبی لە وتارە ئاگرینەکانت..!
دادوەر گۆتی : فەرموو گوڵاڵە خان شایەدی خۆت بدەو ڕاستیەکان بەدەر بێخە لۆ هەمووان.! گوڵاڵە خان ناوی خوای هیناو گۆتی : جەنابی دادوەر ئەمن ویزدانی خۆم ئاسوودە دەکەم و شەرتبی ئەوەی هەق و ڕاستیبی ئەوی برێم، ئەمن ئافرەتەکم زیاتر لە بیست ساری دەبی مووچەخۆرم و بەو پەڕی درسۆزی ئیشم کردیە، بایی پەنجا فلسی خیانەتم نەکردیەو خۆم لەماری حەرام پاراستیە، لەکاتەکی زۆر باشم لۆ ڕێککەتیەو هانیشیان دایمە کە گەندەڵی بکەم و دەست لۆ سامانی گشتی درێژ بکەم..!
دادوەر گۆتی : هەربژی و دەستەکانت خۆشبی، حکومەت پێویستی بە درسۆزەکی وەکی جەنابتە، نەک ئەوانەی خۆیان لەپیستی مەڕی شاردتەوەو لە ئەسلیشدا گورگەکی کەرب بەخینن.! دەوجە وەرە سەرئەسلی مەسەلەکەیی و شایەدیەکەت بدە لە زددی ئەو تاوانبارەی..! گوڵاڵە خان گۆتی : جەنابی دادوەر، داواکاری گشتی، پارێزەری وەزیری، ئەی ئەوانەی لێرە دانیشتینە ! باش گێبدەنە من ! دادوەر گۆتی : گوڵاڵە خان باش گێبدە من، ئەوە ئێستا وەزیر نیەو تاوانبارە، نابینی وا لەناو قەفەزیە، ئەتوو کوو بە وەزیر گازی دەکەی.؟ گوڵاڵە خان سەری نوی کردو بەینەکی بێدەنگ بوو، ئەوجارە سەری برند کردو تەماشایەکی منی کرد، دوایێ ڕووی لە دادوەری کردو گۆتی : جەنابی دادوەر.! ئەو پیاوە ئێستاش لەکنە من وەزیرەو پاکترین و درسۆزترین وەزیرە، وەڵلاهی وەبیللاهی وە تیللاهی هەرچی لەسەر ئەو پیاوەی گۆترایە هەمووی درۆیەو ئەسل و ئەساسی نیە، نەدزەو نە خائینەو نە داوێن پیسە، هەرچی لەسەری دەگۆترێ هەمووی بوختانەو لۆی هەربەسترایە، ئەوەی هاتیە شایەدی لەسەر دەدا یان بەپارە کڕایەو سوودمەندە لەو وەزعەی یان گەفی لێکرایە بەکووشتن یان بە هەتک کردنی نامووسی..! خوایە شایەدبە ئەو پیاوە بێ تاوانە، بێ تاوانە، بێ تاوانە..!
مایتی[1]