سپێدەی میهرەبانی..؟!
بۆ ئەو برادەرانەی گلەیی ئەوەم لێ دەکەن و دەڵێن شیعری سۆزداری کەم بڵاو دەکەیتەوە.....
لەسپێدەی میهرەبانی و....
لەخۆری عیشقت ڕاماوم
بەقەد ڕەهێڵەی بارانێک
جوانیت ڕژاوەتە چاوم..؟!
سەرم لە دەستی مەستیەو...
شوشەی مەیخانەی نەدیوە
بەس باوەشی ئەم عیشقەی تۆ
ئەم مەستیەی پێم بەخشیوە.. ؟!
حەزم وابۆت شەپۆڵ دەدا
وەک شەپۆڵی خوڕی ڕووبار
ئاهی دڵم بۆ تۆ ویستی
بۆتە تەمی ئاسمانی شار..؟!
گەر موتربەی خۆشمت بکەم
هەر واهەست دەکەم لێم دووری
دەڵێ ی من غوربەتی (نالی) و
تۆش (حەبیبە) و شارەزووری.. ؟!
فاتح بێ لان
[1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 623 defa görüntülendi
Bu makale hakkında yorumunuzu yazın!