ناو: خالید
ناوی باوک: عومەر
ناوی تەواوم (خالید عومەر عوسمان مستەفا) یە، لە هۆزی (#مەرزان#) م، بە ڕەچەڵەک خەڵکی گوندی (یەدی قزلەر) م کە دەکەوێتە باشووری شاری #هەولێر# (22) کم لێوە دوورە، لە 14-9-1967 لەشاری هەولێر لەدایک بووم، تا پۆلی شەشی سەرەتاییم خوێندووە، لە 9-11-1990 هاوسەرگیریم کردووە و خاوەنی سێ کچ و کوڕێکم، ساڵی 1984 دەستم بەکاری هونەری کردووە لە بواری تەمسیل سەرەتا لە تیپی نەقابەی کرێکاران بووم بە سەرپەرشتی مامۆستا (سەمیر عەبدولستار)، ئەو تیپە تەمەنی درێژ نەبوو بەهەر هۆیەک بوبێ لەناو بردرا کە تا ئێستا نەزانراوە، دوای ئەوە دابڕام تا ساڵی 1992، لەو ساڵە پەیوەندیم کرد بە تیپی شانۆی شەهیدان بە سەرپەرشتی (دکتۆر ئەمیر نامیق)، ساڵی 1993 پەیوەندیم کرد بە تیپی شانۆی سامان بە سەرپەرشتی مامۆستای خوالێی خۆشبێ (تەڵعەت سامان) کە یەکەم بەرهەم بەشاریم تیادا کرد لەو تیپی شانۆگەری (حوکمی قەرەقۆش) بوو لە نووسینی (شێرزاد پۆلیس) و دەرهێنانی (تەڵعەت سامان)، ساڵی 2000 پەیوەندیم کرد بە تیپی کۆمەڵ و هونەر و وێژەی کوردی لقی هەولێر بە زنجیرە درامای (گرێ) لە نووسینی (کەریم بایز) و دەرهێنانی (هیوا سوعاد)، ساڵی 2001 پەیوەندیم کرد بە گروپی (ئوسامە جەمیل) لە تەلەفزیۆنی یەکگرتوو بە زنجیرە درامای (کۆچ) لە نووسین و دەرهێنانی (ئوسامە جەمیل)، ساڵی 2017 پەیوەندیم کرد بە گروپی هیوا بە سەرپەرشتی خوالێی خۆشبێ (سەڵاح پەرچەم بلباس) بە تۆمار کردنی کۆمەڵێک کورتە تەمسیل، ساڵی 2020 پەیوەندیم کرد بە گروپی مامۆستا (جەوهەر ئەنوەر)، دواتر مامۆستا جەوهەر بارەگایەک دروست دەکات بەناوی (خانەی هونەری) و منیش کرام بە سکرتێر، ساڵی 2020 کتێبی (خەرمانەی هونەر) م بەچاپ گەیاند کە ژیاننامەی کۆمەڵێک لە هونەرمەندانی گۆرانی بێژ و مۆسیقا ژەن و شانۆکار و شێوەکارم تیادا کۆکردبوەوە لە هەموو ناوچەکانی کوردستان، لە ئێستادا دوو کتێبم ئامادەیە بۆ چاپ یەکێکیان بەناوی (خەرمانەی ئەدەب) کە کۆمەڵێک ژیاننامەی شاعیر و نووسەرم تیادا کۆکردۆتەوە، ئەویتر بەناوی (خەرمانەی هونەرمەندانی هەولێر) کە ژیاننامەی مۆسیقا ژەن و گۆرانی بێژانی سنووری شاری هەولێرە،
بەرهەمەکانم
• شانۆگەری خەڵکی گوندەکەمان- نووسین و دەرهێنانی سەمیر عەبدولستان 1984
• شانۆگەری هەموو شتێک پارە نییە- نووسین و دەرهێنانی ئەمیر نامیق 1992
• شانۆگەری حوکمی قەرەقۆش- نووسینی شێرزاد پۆلیس و دەرهێنانی تەڵعەت سامان 1994
• کورتە تەمسیلیەکانی مەلای مەشهور بۆ تەلەفزیۆنی گەلی کوردستان کەناڵی هەولێر ڕەمەزانی 1994
• پانۆرامای کوردستانی وێران- نووسین و دەرهێنانی تەڵعەت سامان 1995
• شانۆگەری سێدارە- نووسین و دەرهێنانی تەڵعەت سامان و فەتحی کەریم 1996
• شانۆگەری پیلان- نووسین و دەرهێنانی تەڵعەت سامان 1997
• زنجیرە درامای گرێ- نووسینی کەریم بایز و دەرهێنانی هیوا سوعاد 2000
• زنجیرە درامای کۆچ 2 نووسین و دەرهێنانی ئوسامە جەمیل 2001
• کورتە فلمی سێبەری مەرگ- نووسین و دەرهێنانی مەلەک ڕەسول 2005
• زنجیرە درامای تەلاری مەزن- نووسین و دەرهێنانی تەڵعەت سامان 2005
• زنجیرە درامای ئازارەکانی بارام- نووسین و دەرهێنانی ئوسامە جەمیل 2006
• پێنج کورتە تەمسیل بۆ تیڤی یەکگرتوو (دەربچی- کونەبا 2- لێزەر2- کرێچی- جەرگ) نووسین و دەرهێنانی ئوسامە جەمیل 2007
• 13 کورتە تەمسیلی بۆ تیڤی یەکگرتوو (باوەش- مۆبایل- لێدە عەلۆ برنجە- نزا- قەرپ- هێلانە- ئاگر- دراوسێ- دۆڕاو- بەخشین- خوێن- گۆڕان- پەرژین) نووسین و دەرهێنانی ئوسامە جەمیل 2008
• 8 کورتە تەمسیل بۆ تیڤی یەکگرتوو (نسیب- وەفا- ڕاستگۆیی- فیتنەچی- نزا- پارە چرکی دەستیە- بەڵێن- قەرد کۆر) نووسین و دەرهێنانی سەڵاح پەرچەم بلباس 2017
• 15 کورتە تەمسیلی بۆ تیڤی یەکگرتوو (مۆڵەت- عیلەی شەرعی- نەخۆشی ئاغای- قرچۆک- دزی کردن- گومانی خراپ- توڕە بوون- کوڕی خراپ- گەورە دز- ئەمانەت پارێزی- ژەهری چاک- جوانترین دادوەری- تەماح پیسە- باج- چارەسەرێکی ژیرانە) نووسین و دەرهێنانی سەڵاح پەرچەم بلباس 2019
• زنجیرە درامای وون بوەکان- دەرهێنانی جەوهەر ئەنوەر 2018
• درامای مۆڵەت- دەرهێنانی جەوهەر ئەنوەر 2019
• درامی پاک لەپاک- نووسین و دەرهێنانی جەوهەر ئەنوەر 2020
• زنجیرە درامای زیندانی ژمارە 88- نووسینی سەعدی عەلی و دەرهێنانی جەوهەر ئەنوەر 2021[1]