ناو: ڕەسوڵ
نازناو: ئاودڵانی
ناوی باوک: حەسەن ڕەسوڵ ئیبراهیم
رۆژی لەدایکبوون: #15-04-1995#
شوێنی لەدایکبوون: #هەڵشۆ#
$ژیاننامە$
ئاودڵانی ناوی تەواوی (ڕەسوڵ حەسەن ڕەسوڵ ئیبراهیم)ە. لە #15-04-1995# لە گوندی (شێخ ئاودەڵان)ی سەر بە شارەدێی(هەڵشۆ) شارۆچکە پشدەر لە پارێزگای (#سلێمانی#) لەدایک بووە.
خوێندنی بنەڕەتی لە گوندی شێخ ئاودەڵان تەواو کردووە. پاشان بۆ خوێندنی ئامادەیی چووەتە ئامادەیی هەڵشۆ. توانیویەتی بە نمرەیەکی زۆر باش ئەو ئاستە ببڕێت.
دوای تەواوکردنی قۆناغی ئامادەیی لە بەشی (ئینگلیزی) زانکۆی ڕاپەڕین لە (کۆلێژی پەروەردە)ی قەڵادزێ دەستی کردووە بە خوێندن و توانیویەتی چوار ساڵی زانکۆ بە پلەی نایاب ببڕێت و پلەی یەکەم لەسەر ئاستی کۆلێژ و بەشەکەی لە ساڵی (2017) بەدەست بهێنێت.
ئاودڵانی هەر لە سەرەتای قۆناغەکانی خوێندنیدا زۆر خولیای نووسینی هۆنراوەی هەبووە. لەم چەند ساڵەی دواییدا دەستی داوەتە نووسینی هۆنراوە و تا ئێستا چەندین هۆنراوەی جۆراوجۆری بڵاوکردۆتەوە.
هۆنراوەکانی ئاودڵانی هەریەک لە ژانرەکانی ئاینی، سرووشتی، پەروەردەیی، نیشتمانی، خودناسی لەخۆ دەگرن، بەڵام زیاتر لە هۆنراوەکانیدا ژانری ئاینی و پیاهەڵدان بە سرووشت بەدی دەکرێت.
ئاودڵانی کاریگەرە بە هۆنراوەکانی مەحوی، سابری، کۆساری و چەندین شاعیری تر.
لە پاڵ هۆنراوەدا، ئاودڵانی خاوەنی چەندین وتە و کورتە چیرۆک و بابەتی ترە بە زمانەکانی کوردی و ئینگلیزی.
$نموونەیەک لە هۆنراوەکانی$
ئەی ژیان
ئەی ژیان، ئەی دەواری، خۆشی و خەم لەدوا!
دەبا بەس بێ، تاکەی بم من، بێ لانە و نەوا!
ئەی بەهاری خۆشی و شادی، بکە لایە لە من!
لە هەر کوێ بیت، ئەوا هاتم، مەبە دوور لە من!
ئەگەر هاتی، پەلەت نەبێ، وەرە نم نم، وەکو باران!
وەک خۆری بەرەبەیان، وەک شنەی دەمەو ئێواران!
با نەزانێ کەس بەهاتنت، نەبادا زوو، ڕووت وەرگێڕی!
ڕەشەبای خەم هەڵبکات و هەرچی خەمە بۆم بنێری!
لەکوێی ئەتۆ، بیرم نایە چەندە زۆرە، گەڕیدەتم!
پەشێو و پەرۆش، چەندە ماندووی ڕێگەکەتم!
بەڵام چی بکەم، بۆ کوێ بێ هانا و هاوار، گەر لێم ڕوونە!
هەر پێناسێک، بیکەم بۆ تۆ، سەرئەنجامی هەر نەبوونە!
لەم دنیای خەیاڵاتەم، کە هەر هەمووی هەر یەک ڕەنگە!
ئەگەر ئەمڕۆ بەهۆش نەیەم، سبەینێ بێ، گەلێ درەنگە!
ئاودڵانی
ڕانیە
15-11-2020 [1]
=KTML_Link_Facebook_Begin=https://www.facebook.com/groups/740735286792810/user/100011728445699=KTML_Link_Facebook_Between=فەیسبووکی01: ڕەسوڵ حەسەن ڕەسوڵ=KTML_Link_Facebook_End=
=KTML_Link_Facebook_Begin=https://www.facebook.com/AWDLANY=KTML_Link_Facebook_Between=فەیسبووکی02: ڕەسوڵ حەسەن ڕەسوڵ=KTML_Link_Facebook_End=