بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$دۆستەم لڤۆ$
دۆستەم لڤۆ، ئاستۆش جیا، ئاخ چېش کەرو، بێ یار خوېم
داخێش گرد ئینێ دڵمەنێ، هەرتا مروو داغدار خوېم
کەسڵەم نیۆ یادێم کەرۊ، دالێوە خەمخوارێم کەرۊ
کێ شیوەن و زاریم کەرۊ، پەی کۊ ملوو، بێ یار خوېم
کۆمیۆ نەبۍ دادم کەرۊ، لاو دۆستەوە یادم کەرۊ
بەڵکوم زەڕێ و شادم کەرۊ، دادو مەدەد، هاوار خوېم
ئەر من گنێم چەمڵەم چەمۍش، چی ئیندە کېشێنێ خەمێش
شەربەت وەرێنێ چا دەمێش، وېم خاس کەرۍنێ چار خوېم
ڕەنگەم جە بەروە سوورەنە، بێ دۆست زێڵەم نوورەنە
ڕازەم درازو دوورەنە، تەن شقڵەو بیمار خوېم
هاوارمۆ پەی تە زەڕین، دڵ مەبیە ئەڤداڵ و بەرین
وێڵ و کەش و کۆو وەر مەڕین، سەر سۆمەنوو سادار خوېم
کەم تاڵەناو، ئیقباڵ خراب، کەردم سڵۆم نەبۍت جواب
زێڵ و منت گېرە کەباب، مەگنۆم وەنە، بێ عار خوېم
سا دەم پەنە تەڵێ و ڕیۆن، قیمەتشەنە سۆنەم گیۆن
چی مامەڵە مەگنۆم زیۆن، گاماوە ڕوو ئیکرار خوېم
خەمڵەم فرە، شادیم کەمۆ، سینەم بېیەن کۆگاو خەمۆ
گرد دەردو دووری تۊ مەنوو، زامۆتەوە یەکجار خوېم
تۆ مەی، ملی، یاگێو تەری، پەی چېش ترێز جە من کەری؟!
ئیمۆنوو من گردی بەری، بێ قەدرو سووک و خوار خوېم
سا بۊرێ لام، ئەندازە کەرە، دەنگت وەش و ئاڤاز کەرە
دالێوە خەمزە و ناز کەرە، ئەز بۊ فدێت نازدار، خوېم
سەیدی لنو بۊڵ و فەقیر، عەشق و جوڤۆنا گېرە پیر
چنگ و خەمۆڤە وارە گیر، خەمکېشەڵ و غەمبار خوېم
[1]