ئەڤراز حامد نسری
ل 2022/6/30 ئەم ل باخچەیێ ئێکەتیا نڤێسەرێن کورد – #دهۆک# ، کۆم بووین ژ بۆ ئێڤاریەکا ئەدەبی و بابەتەکێ لدۆر ( گرنگیا بیردانکێ د ئافراندنا تێکستێ وێژەی دا ) کو مامۆستا ( ئیسماعیل سلێمان هاجانی ) پێشکێش دکر ، هەروەسان ل دوماهیا ڤێ ئێڤاری مامۆستا هاجانی کۆمەلا خوەیا شەشێ ب ناڤێ ( دەمێ پشیک دبن پلنگ بۆ وان نڤێسەر و مامۆستا و دکتۆر و رەوشەنبیرێن ل وێری ئامادەبووین – کو ئەژی ئێک ژوان ئامادەبویا بووم-) بەلاڤ کر و ئیمزا کر .
پشتی چەندین رۆژا ل 2022/7/4 ئانکو چار رۆژان پشتی ڤێ ئێڤاری من دەست ب خاندنا کۆمەلا چیرۆکان کر ، کو ئەز ب خوە ژی ئێک ژ خواندەڤانامە ب تایبەت ژی خاندەڤانێ چیرۆکێ مە، ل دەمژمێر ئێکی پشتی نیڤرۆ من دەست ب خاندنێ کر و ب هەمی تێگەهشتن و خواندن و وەستیان و ماندی بوون ڤە ئەز نەشیام دەستا ژ خواندنا ڤێ پەرتوکێ بەردەم ، ژبەرکو کارتیکرنا وان چیروکێن دڤێ پەرتووکێ دا ل من کرین ئەز باوەرناکەم و بیرامن ناهێت کو هندی من پەرتووکەک خاندبیت وەسا کارتێکرن ل من کربیت، هندی ڤێ پەرتووکێ کارتێکرن ل من کر کو دەستا ژ خواندنا وێ بەرنەدەم هەتا ب دوماهیک بهێت.
ب تایبەت ژی چیرۆکا ( هەلبەستەکا لال ، سووندا گوندێ مە ، سەرەدان ) ڤان هەرسێ چیرۆکان وەسا کارتێکرن ل من کر دەما کو من دخواندین و خلاس کرین بو دەمێ چەند دەقەکان من بتن بەرێ خوە ددا وان رێزکێن دناڤ ڤێ چیرۆکێ دا هاتین و دوبارە دخواندەڤە، ژ شەرمێ بچیتەدەر و دێ بێژم ژی چیرۆکا ( سەرەدان ) تا وی رادەی کارتێکرن ل من کر رۆندک ژ چاڤێن من هاتن، ئەز ب خوە دبێژم و دبینم ئەگەر چیرۆک بهێتە نڤێسین کارتێکرنێ ل مرۆڤی نەکەت ڤێچا چ رۆندکا ژ چاڤێن مرۆڤی بینیت یان ژی بۆ دەمەکێ کورت مرۆڤ بەس ل وێ چیرۆکێ بنێریت یاکو کارتێکرن ل مرۆڤی کری یان ژی هند کارتێکرنێ ل مرۆڤی بکەت، مرۆڤ ب خوە دەست نیشان بکەت ڤێچا چ ب قەلەم رساسی بیت یان ماجیکی بیت، چیرۆکێ ب خوە ژی ئەگەر کارتێکرن ل تە کر تو چ جاران نەشیێ وێ چیرۆکێ ژبیربکەی، دێ هەردەم ل بیرا تە بیت هەتا وی رادەی دەمێ تو تشتەکی بکەی یان گوهێی ببی و ئه و تشتێ تە دیتی یان گوه لێ بووی تەیا د چیرۆکەکێ دا خواندی و وێ چیرۆکێ کارتێکرن ل تە کربیت ئێکسەر ئه و چیرۆک دێ هێتە بیراتە و بو دەمێ چەند دەقەکان دێ دهزرێن وێ چیرۆکێ دا چیە خار.
ئەز نزانم تا چ رادە ئەز دەست خوەشیی ل مامۆستا ( ئیسماعیل هاجانی ) بکەم ب تنێ دێ بێژم هیڤیە بەردەوام بی و نەخشە ل کۆمەلا دەهێ و ب وەرارەکا باشتر.
من باوەرە هەر کەسێ ڤێ پەرتووکێ بخوینیت ژ خواندنا وێ پەشیمان نابیت، هەم دی مفای ژی وەرگریت و هەم ژی دی هندەک چیرۆکان خوینیت کو دراستی دا رووداینە و ئەز ب خوە ئیک ژ خواندەڤانێ تایبەتێ چیرۆکا مە، نەخاسمە ئه و چیرۆکا ئەز دخوینم ڤێچا دراستی دا رویدابیت سەرنجا گەلەک من ب خوە رادکێشن.
ب تنێ تیبینی: نڤێسینا ڤێ پەرتووکی ب ( سێمێل )یانی هاتیە نڤێسین ، هندەک کەلیما ئەز لێ دراوستیام ژبەرکو ئەز دروست تێنەدگەهشتم من دوبارە و ب هویری دخواندەڤە، ژبەرکو من نەدڤیا ل چ جهان ب راوستم ئانکو ( کەلیمەک من ب راوستینیت ژ خاندنێ ) ژبەرهندێ من ئەڤ تێبینیە گۆت، لێ هەر چەوابیت ئەڤە نابیتە ئەگەرەک کو مرۆڤی پاشڤەببەت ژ خواندنا ڤێ پەرتووکێ .[1]