#فەروەرتیش# یان #فراوەرتیس#، دووەم پاشای #ماد#ەکان بوو و لە نێوان ساڵەکانی (655 تا 633 پ. ز) فەرمانڕەوایی گرتە دەست، لەگەڵ هاتنە سەرتەختی فەروەرتیش، سکاییەکان و پارسەکان فەرمانڕەواییان دەکرد، ئەو کە هەردەم لە بیری فراوانکردنەوەی دەسەڵاتەکەیدا بوو، هێرشی کردە سەر پارسەکان و توانی سەنتەری فەرمانڕەواییەکەیان بخاتە ژێردەستی خۆی.
دواتر دەستی کرد بە کۆکردنەوەی سوپایەکی گەورە و بەرەو نەینەوای پایتەختی #ئاشوورییەکان# بەڕێ کەوت، بەڵام پێش گەیشتنی سوپاکەی فەروەرتیش هەواڵ گەیشتە ئاشوورییەکان، بۆیە ئەوان زووتر هێرشیان کردە سەر میدییەکان. لە لایەکی تریشەوە سکاییەکان کە لە نزیک #دەریاچەی ورمێ# دەژیان و هاوپەیمانی ئاشوورییەکان بوون، دەستیان کرد بە ئامادەکردنی سوپایەکی بەهێز و هێرشیان بردە سەر میدییەکان بۆ پشتیوانی ئاشووریییەکان، کەواتە میدییەکان کەوتبوونە ناو گەمارۆی سکایی و ئاشووری. لە یەکێک لەم شەڕە قورسانەدا لە ساڵی (633 پ. ز) فەروەرتیش کوژرا و دەوڵەتی میدیا ئیتر بێهێز بوو، سکاییەکان ئەم دەرفەتەیان قۆستەوە و کەوتنە تاڵانکردنی پایتەختەکەی.
ئامادەکردنی: #سارا سەردار#
[1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 347 defa görüntülendi
Bu makale hakkında yorumunuzu yazın!