نوسەکەی بچوک
ئەم جۆرە نوسەکە لە جۆرەکانی تر دژوارتر و دڕترە خۆی پان دەکاتەوە بە چوار دەوری خۆیدا بەپانی (150) سانتیمەتر بەرز دەبێتەوە تا (130) سانتیمەتر لە قەراخ تولە ڕێگا و کەنار چۆم و دێراوەکان دەڕوێت، گەڵایەکی پانی هەیە لە شێوەی گەڵای باینجان دەچێت و گڕو سەوزێکی تۆخ باوە، قەدەکەی قەف قەف و خواروخێچە، کاتێک موسەکە دەردەکات لە کۆتایی قەدەکەی نەرم و نیانە، بەشێوەی هێشوو خۆیان خڕدەکەنەوە، بەڵام کاتێک پێدەگات و ڕەق دەبێت، کاتێک بەر جەستە دەکەوێت زۆر تیژ و ئازار بەخشە، بە خوری ئاژەڵانەوە دەنوسێ لەکاتی گیا خواردن یان ڕەتبوون بەلایدا، ئەم جۆرەیان بەربڵوترینە لە ناوچەی #بیتوێن# و #ڕانیە# بەتایبەت (#قەرەنیاغا#، #کانی ماران#، #چوارقوڕنە#، گردەدێمە، #بۆسکێن#) لە مانگی نەورۆز-ئادار چرۆ دەکات، مانگی جۆزەردان- حوزەیران بە باشی گەشەی کردووە، مانگی خەرمانان-تەمموز بەردەگرێت و تا کۆتایی مانگی گەڵاوێژ هەر دەمێنێ، بەرەکەی لە شێوەی هێلکەی بچوک دەچێت، لە ڕووی پزیشکیەوە هیندیە سورەکان تۆوەکەیان بەکارهێناوە بۆ جێ برینی قول، لە باشوری ئاسیا و دەرمانسازی چینی بەکاریان هێناوە لە بواری دەرمانسازیدا، نابێت نە تۆوەکەی نە گەڵاکانی بخورێت چونکە مادەیەکی ژەهراوی تێدایە کە مرۆڤ توشی سەرئێشەی زۆر و ڕشانەوە دەکات و لەگەڵ ئەوانەش مرۆڤ گێژ دەکات، ئەمە جگە لەوەی چوار جۆریتری مادەی ژەهراوی تێدایە، گەڵاکەی بکوڵێنرێت و دواتر ئاوەکەی لە پێستی دەم وچاو بدرێت ساف و سپی دەکات و پاکی دەکاتەوە وەکو نوێ بوونەوەیەک.[1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 660 defa görüntülendi
Bu makale hakkında yorumunuzu yazın!