داستانۊ حەیدەری و سنۊبەرۍ
بەشۍ چل و یەکەمە

سنۊبەرە بە پیرەژەنەکېش وات: من دەسەڵاتم نېیەن، ئازاڎیم نېیەن، بە زۊر منشا بەشوو دێنا، بە پېیێوە ناکڵۊککاری کە هەرگیز وەشمنەسیان، ئی پېخامەیمە بە حەیدەری یاونە:
نە ڕەنجۊت خاتر، جە واتەی مەردم
ئەسڵش هەر ئېدەن، مەڵامەت کەردم
ئەگەر شېربەچەی ئێران زەمینی
جە زێد ئاوارە، زار و خەمینی
پەی دېیەن دڵدار، جە گیان وېیەردەن
سەر وە تېغی ناز، جانان سوپەردەن
ئاخر نە دەوران، چەرخی ستەمکار
پەی گەنجێ بەردت، ڕەنج نە هېجران یار
هەرچڼ مەحاڵەن، ئەگەر مەتاوی
سەعیت بۊ، بەڵکم بە وەسڵ یاوی
با، نامووست بۊ، مەکەر، مدارا
جەهد و جەختت بۊ، بۊرانی سارا
ئەگەر مزانی، موشکېلەن جە لات
فېکرێ پەی وېت کەر، هەرچی هەن سەڵات
با من بسۊزوون، پەی زۊخی زامت
دیڎار بمانۊ، تا ڕۊی قېیامەت.
[1]