ڕۆژان نوری عەبدوڵڵا
نامۍ تەمامەش (ڕۆژان نوری عەبدوڵڵا فەتحوڵڵا)، ڕېکۆتو (20-06-1976) چە شارەکڵەو شەقڵاوەی پېڎابېیېنە، بنەچەش خەڵکو دەگاو ئیلنجاغی گەورەی شارو کۆیەی هەن، ساڵۊ (1980)یۆ چە شارو کۆیەینە نیشتەجا بېیېنۍ، قۆناخەکۍ وەنەی (سەرەتایی و مېیانیی و ئاماڎەیی)یش چە شاری کۆیەی تەمامنێنۍ. ساڵۊ وەنەی (1999-2000) بڕوانامەو بەکالۆریۆسی چە بەشۊ زمانی کورڎیی، کۆلێژو پەروەرڎەو زانکۊ سەڵاحەدینی بەدەسئاۋرڎەن و یېۋە چە وانیارە یەکەمەکا ئا بەشەیە بېیېنە. ساڵۊ وەنەی (2000-2001)ینە چنی ئەۋەکەرڎەی کۆلێژو پەرۋەرڎەی چە زانکۊ سلێمانییۍ، چە شارو کۆیەی پېسەو یەکەمین (یارڎیدەرۍ پەیجۊریکەرۍ) چە بەشۊ زمانی کورڎیی ئا کۆلێژینە مەرزیێنەرە و دماتەر بېیېنە بە یەکەم ۋەرپەرسۊ (کتېبخانەو کۆلێژو پەرۋەرڎەی) و چە پېرۍ یەکەمۊ ئەرەمەرزنای کۆلێژو پەروەرڎەو کۆیەی بەشۊ زۋانی کورڎینە بېیېنە.ساڵۊ (2004) چە وەنەی ماستەرینە چە زانکۊ کۆیەی، کۆلێژو زۋانی، بەشۊ کورڎیی وەرگیریێنە و چە (5-12-2006)ینە بڕوانامەو ماستەریش بە پلەی (فرە خاس) بەدەسئاۋرڎەن، ماستەرنامەکەش بە نامۊ (فەرهەنگی زمان و زاراوەسازیی کوردی)بېیەن، ئا نامە پېسەو کتېبی دۋۍ جارۍ چاپکریانۆ.
ساڵۊ (2006) پېسەو (مامۊسێ یارڎیدەرۍ) چە کۆلێژو زۋانو زانکۊ کۆیەی بەشۊ کورڎیی دەسبەکارە بېیېنە، ساڵۊ (2009) چە زانکۊو کۆیەی کۆلێژو پەرۋەرڎەی بەشۊ زۋانی کورڎیی، چە بوارو وەنەی دکتۆراینە وەرگیریێنە و چە هەر دۋە کۆرسەکاو وەنەینە چە مېیانو وانیاراو کۆرسەکەینە پلەی یەکەمش بەدەسئارۋڎەن. ساڵۊ (2014) بڕوانامەو دکتۆرایش چە بوارو (واتاسازی)ینە پلەی یەکەش پنەدریان و تێزۊ دکتۆراکەیچش بەنامۊ (ڕۆڵی میتافۆڕ لە دەوڵەمەندکردنی زمان) پلەی (نایاب)ش بەدەسئاۋرڎەن.
ئاڎە ئیسە چە زانکۊو کۆیەی، کۆلێژو پەرۋەرڎەی بەشۊ زۋانی کورڎیی وانە ماچۊۋە و پلەی زانستیش پڕۆفیسۆرۍ یارڎیدەرەنە و چڼ توێژینەۋېۋی ئەکادیمییش چە گۊۋارو زانکۆو کۆیەی و زانکۊ گەرمیانینە ۋەڵێکەرڎېنېۋە، چانیشا:
1-میتافۆڕ لەشیعرەکانی هاوژین سڵێوەدا.
2-پێکهاتەی زاراوەی پیشە لەشێوەزاری کۆیەدا، بەهاوبەشی لەگەڵ مامۆستا(شادان سابر شکور).
3-فەرهەنگی بەساڵاچوان لەشێوەزاری کۆیەدا، بەهاوبەشی لەگەڵ مامۆستا(شادان سابر شکور).
4- هێمای بازرگانی و ناولێنان لەتابلۆی شوێنکاردا.
5-شیکردنەوەی پڕاگماتیکی چەند دەقێکی(فەرەیدون عەبدول بەرزنجی) بەپێی تیۆری کردە قسەییەکان، بەهاوبەشی لەگەڵ مامۆستا (دەریا سابیر حەمەد).[1]