ناڤ: ئەیاز یوسف محەمەد عەلی
ناسناڤ: ئەیاز زاخولی
ناڤێ بابێ: محەمەد
ڕۆژا ژ دایکبوونێ: #20-02-1960#
ڕۆژا مرنێ: #20-01-1986#
جهێ ژ دایکبوونێ: زاخو
جهێ مرنێ: نەخوشخانا سەربازییا میسل
$ژیاننامە$
ئەیاز یوسف محەمەد عەلی یێ بەرنیاس ب ئەیاز زاخوولی خودانا سترانا (من دیت جارا عەولی) کو ب فەرمی ئێکەم کارێ هونەریێ وی بوو.
ئەیاز ژ دایک بوویێ 20-02-1960 ل تاخا جوویێن زاخو ل ماڵباتەکە هوونەر دوست هاتە سەر دنیایێ د وی دەمەی دە کوو ڕژێمەکە دژی کوردان حوکمڕانا عیراقێ و باشوورێ #کوردستان#ێ بوو، ماڵباتا ئەیاز ب (بەرەزڤان) یێن بەرنیاسن کو هەتا ڤی دەمەیش ل زاخونە. باپیرێ ئەیاز بناڤێ (مەلا ئەحمەدێ ڕەزڤان) ئێک ژ دەنگ خوەشێن دەڤەرێ بوویە.
ئەیاز قوناغین سەرەتایی و ناڤەندی ل قوتابخانا ئەحمەدێ خانی ل #زاخو# تمام کرییە و پشتڕە بەرێخوە دایە ئامادەییا کشتوکاڵا زاخو و پشتی ڤێ قوناخێ چوویە کولێژا سەربازییا #بەغدا# و پلا ملازم بدەست خوە ڤە ئینایە.
هەتاکوو ڕێ ب وی بهێتە دان داکوو بهێت سەردانا خزم و کەسێن خوە ل زاخو و پشکدارییا ڤستەڤالێن موزیک و سترانان ل دهوکێ بکەت ئەیاز نەچار بوو ل نەخوشخانا سەربازییا میسلێ خوینێ ببەخشیت.
ئەیاز ژبەر کوو دەنگەکێ خوەش هەبوو و سترانێن نەتەوەیی دگوتن دێبیتە جهێ سەرنجا ڕژێما بەعس پشتی دەمەکی ل ئالێ ئیستخباراتا کولێژا سەربازی داخاز ل ئەیاز دهێت کرن کو دگەل هونەرمەندەکێ عەڕەب سترانەکێ لسەر سەروک کومارێ بەرێ یێ عیراقی سەدام حوسێن تومار بکەن لبەر هەستێ نەتەوی ئەیاز ڤێ داخوازیێ ڕەت دکەت و ئەڤ کارێ ئەیاز دێبیتە ئەگەرێ هندێ کوو کاربدەستێن ڕژێمێ پلانەک بو ژناڤبرنا ئەیاز دابنێن و د دەمەکی دە کو ئەیاز ب مەرەما بەخشینا خوینێ سەردانا نەخوشخانا سەربازییا میسل دکەت چەند کەسەک دێ زەهر بکەن ناڤا خوینا وی پشتی 24 دەمژمێران ئەیاز گیانێ خوە ژدەستدا.
بابێ ئەیاز ئزنا وی نەددا کوو سترانا ببێژیت لبەر ڤێ چەندێ دیر ژ چاڤێن باڤێ خوە ستران دگوتن و پستی ژدەست دانا وی ئەیاز ب شێوەکێ فەرمی هاتە ناڤ دنیایا هونەری دا ل ساڵا 1977ئان دا پشکدارییا ڤستەڤالەکە سترانان کر و لسەر ئاستێ عیراقێ پلەیا ئێکەم بدەست خوە ڤە ئینا.
ب درێژاییا تەمەنێ خوە یێ کورت ئەیاز نێزی 200 ستران گوتینە و کو 100 ژوان فولکۆر و نەتەوەیینە. هەتا ڤی دەمەی ژی ناڤێ وی یێ زندییە و داخوازیەکە زێدە لسەر سترانێن وی هەنە. (بسکێن تە زراڤن، وەڵاتێ من باخچێ گولا، نەوروز، ئاکرێ بیکا کوردانە، شەهید چاڤا ڤەکە تونامری، ڤەدە خێلێ ڤەدە و...) چەند بەهەمەکێن ئەیازن.
هەروەکە مە لسەرڤە ئیماژە پێکری ل نەخوشخانا سەربازییا میسلێ ل 20-01-1986 ئەیاز تێ ژەهر خار کرن پشتی ڕوژەکێ گیانێ خوە ژدەست ددەت لسەر وەسیەتا وی ل باژێرێ زاخو تەرمێ پاکێ وی بخاک دسپێرن.[1]