وەک تەنیا کورد ماوەى چەندین ساڵە سەروکارى لەگەڵ یارى مۆتۆڕسکیلى جیهانى هەیە و سەربارى ئەوەى وەک ناوبژیوانێکى نێودەوڵەتى ئەو یارییە بەناوبانگەیە، لە کۆنگرێسى ساڵانەى یەکێتییەکەش دەبێتە ناوێکى دیار و کاندیدى پۆستێکى گەورەى یەکێتیی مۆتۆرسکیلى جیهانى دەبێت.
دکتۆر #مەجید خیدایەخش# مامۆستاى کۆلێژی وەرزش لە# زانکۆى سلێمانى# و سەرۆکى ئەکادیمیاى سلێمانى بۆ مۆتۆڕسکیل و ئۆتۆمبیل لە هەفتەکانى ڕابردوو لە شارى ڕیمیەى وڵاتى ئیتاڵیا بەشدارى لە کۆبوونەوەى دەستەى گشتى یەکێتیی مۆتۆرسکیلى جیهانى کرد کە بە FIM ناسراوە، بە و پێیەى ناوبراو وەک ناوبژیوانى نێودەوڵەتى ئەو یارییە و هاوکات نوێنەرى یانەى ئێراق بۆ مۆتۆرسکیل و وڵاتى ئێراق میواندار و بەشدارى ئەو کۆنگرێسە گەورەىە بوو.
سەبارەت بەو کۆنگرێسە و چۆنێتى بەشداریکردنى، دکتۆر مەجید لە لێدوانێکى تایبەت ڕایگەیاند کۆبوونەوەکە بۆ دەستنیشانکردنى سەرۆک و جێگرانى یەکێتییەکە بوو بۆ سێ ساڵى داهاتوو، لەوێ سەرۆکى یەکێتییە بە شێوەى دانانەوە و بە سەپۆرتى چەندین وڵاتى ئەندام داندرایەوە، دواتر هەڵبژاردن بۆ سێ جێگرى یەکێتییەکە کراو بەندە لەوێ خۆم کاندید کرد بۆ یەکێک لە و سێ پۆستە کە ئەمە ئەزموونى یەکەمم بوو، لە و چوارکەسەى کاندید بووین من 26 دەنگى ئەندامانم بەدەستهێناو تەنیا 10 دەنگ لە سێیەمەکەوە دوور بووم، کە بە بۆچوونى زۆربەى ئەوانەى لەوێ بوون ئەوە ئەنجامێکى گەورە بووە بۆ من بە و پێیەى ئێراق نوێیە لە یەکێتییەکە و هەروەها وەک وڵاتانى تر نەیتوانووە سەپۆرتى بەردەوامى هەبێت.
وتیشى، من هەر لە و کۆنگرێسە قسەى خۆم کرد سەبارەت بە ئێراق و کوردستان و تێڕوانێکى باشم بە ئەندامان و یەکێتییەکەش داو لە نزیکەوە چاوم بە سەرۆک و جێگرى یەکێتییەکەش کەوت و لەوێش دەست خۆشییەکى زۆرم لێکرا بۆ ئەو ڕێژەى دەنگەى هێناومه.
سەبارەت بە ئاستى ئەو یارییە لە کوردستان، دکتۆر مەجید وتى ” من سەرۆکى ئەکادییمیاى سلێمانیم بۆ ماتۆرسکیل و ئۆتۆمبیل بەڵام بەداخەوە تاوەکو ئێستا لە کوردستان و شارى سلێمانى زەوییەکى تەرخانکراومان بۆ ئەو یارییە نییە هەرچەندە چەندین هەوڵم داوە بۆ لایەنى پەیوەندیدار بەڵام وەڵاممان دەست نەکەوتووه”.
وتیشى لە پارێزگاى واست ئێستا 2023 شوێنێکى گەورە و فراوان بۆ ئەو یارییە هەیە و ڕۆژبەڕۆژیش هەوادارى ئەو یارییە ڕوو لە هەڵکشانه.
دکتۆر مەجید کە ناوبژیوانى نێودەوڵەتیشە ئەو پێشتر بەشدارى بەڕێوەبردنى یارییەکەى لە ئۆستورالیا و تورکیا و یۆنان کردووە و باوەڕپێکراوى یەکێتیی مۆتۆرسکیلى جیهانییە بۆ بەڕێوەبردنى ئەو پاڵەوانێتییانە لەلایەن یەکێتیی جیهانیەوە لە ئێراق و کوردستان.
یەکێتیی مۆتۆڕسکیلى جیهان لە ساڵی 1904 دامەزراوە و بنکەکەی لە بەڕیتانیا بووە و ، دواتر بارەگا سەرەکییەکەی گواستراوەتەوە بۆ سویسرا.
هەرچى یانەی ئۆتۆمبێل و مۆتۆڕسکیلی ئێراق لە ساڵی 2019 دامەزراوە و لە ساڵی 2020 بووەتە ئەندامی نێودەوڵەتی.[1]