لەشکرکېشی ئەسکەڼەرسانی پەی سەرو خاکو لهونی.
وەختێ ئەسکەڼەر سان کوڕو محمەد یوسف سانی جە شارو هۆرامانیۆ دیسان گېڵاوە پەی (کەڕاوا) ی، دمای چن ڕوێ کۊچشان کەرد و ئامێ پەی کوساڵانی. کە وەرزو پایېزی ئاما، خانەواڎە و دارو دەسەشا یاونا (ملەکەوە) ، کە نزیکەن جە پردەو سلێنی و کەردەش بە یاگۍ چەقو دەسەڵاتو وېش تاکو وەرزو پایېزی، دیسان لەشکەرش ڕەوانەو لهونی کەردۆ، سەرەتا جە ڕاو (سەروەکاو) یۆ وەستەرە، هەڵای شەوە مەنېبېش کە دەگاو هانەگەرمڵەیشا تۆقدا، تاکو دەمەو سەحەر جە هەشارگاکاشانە وېشان مەڵاسدا.چەنی ڕۊشنبېیەی دنیێ، نەسروڵڵا بەگ، براو فەتح علی سانی، کە هانەگەڕمڵەنە ژیوېنۍ، چەنی مسەفا نامێ، پەی نماو ساعبی، یانەنە زیێرە، نەسروڵڵا بەگ خەنجەرێ دەسە چەرمۍ وەرو کەمەریشۆ بۍ، وەختێ ئەسکەڼەرسان چەمش کۆت پەنە، بە تفەنگچیەکاش ماچۊ: تەماشەو ئا پیایە کەردۍ کە خەنجەرێ دەسەچەرمۍ ئینا وەرکەمەرشۆ، من گرۊڵیێش منیۆ پۆ، گەر پېکام و کوشتم، ئانە ئېمە سەرگنمۍ.
ئەسکەڼەرسان نیشانېش گېرتۆ، یەک گرۊڵیەش نیاپۆ، داش خەنجەرەکېش و لوا لاسینەشەرە، ڕەفېقەکەش (مسەفا) ، خېرا لاشەکەو نەسوڵڵا بەگیش پەی دلۍ ئاشەکەو ڕەزا سانی بەرد، چاگە شارتشۆ، ئیتر سوپاو ئەسکەڼەر سانی مجیێرە دلۍ هانەگەرمڵەی و دەسشان کەرد بە تاڵانی و دوۍ کەسېشا کوشتۍ و ڕوەو نۆسوڎە کۆتۍ ڕا.
وەختێ یاوێ قەڵاو (شاتر) ی، نزیکو تەوېڵۍ، ئەسکەڼەر سان بە تفەنگچێەکاش ماچۊ: ئەرۍ من تفەنگێم تەقنا ئا کەسەیە کە خەنجەرێ دەسە چەرمۍ وەرکەمەرشۆ بۍ، ئیتر هەواڵم نەزانا؟، چا وەختەنە حسێن نامێ کە بە (حسێنو مەڵڵا ڕەشید) نامبانگ بۍ، یاواشاوە پەنەو ماچۊ:
نەسروڵڵا بەگم دلۍ ئاساو و ڕەزاسانینە بە مەردەیی دی.
وەختێ یاوێ دەگاو (نۆسوڎۍ) ، تەماشەکەران چۊڵە و هۊڵەنە، کەسش چەنە نەمەنەن.
مەنوچەرسان کوڕو عەلی مەردان سانی لوان پەی شارو سنەی، برێکېش (خانە بەگ و عومەر بەگ) خەڵکو نۆسوڎېشا ڕوەو زەهاو بەردەن.
ئەسکەڼەرسان چاگە گېڵاوە، ئیبراهیم بەک کە لالۊش بۍ، کەردش بە یاگەدارو وېش، پەی ئانەی نۆسوڎۍ ئاوەڎانە کەرۊوە، وېچش ڕوەو (ملەکەوە) گېڵاوە، دمای ساڵێ، جە وەرزو وەهارینە (خانە بەگ و عومەر بەگ) ، شەوێ کواشا سەرو ئیبراهیم بەگی و کوشتشا، دمای تاڵانی گېڵێوە پەی زەهاوی.[1]
Bu kaydın içeriğinden Kurdipedia sorumlu değildir, kayıt sahibi sorumludur. Arşiv amaçlı kaydettik.
Bu makale (هەورامی) dilinde yazılmıştır, makaleleri orijinal dilinde açmak için
sembolüne tıklayın!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Bu başlık 781 defa görüntülendi
Bu makale hakkında yorumunuzu yazın!