ناڤ: نەسرین
ناسناڤ: نەسرین مەرجان
ناڤێ بابێ: خدر
ڕۆژا ژ دایکبوونێ: #10-06-1947#
جهێ ژ دایکبوونێ: #هەڤلێر#
$ژیاننامە$
نەسرین مەرجان کوو ناڤێ باڤێ وێ خدرە دکەتە خوەشکا (#واحید مەرجان# و #یەحیا خدر مەرجان#) ل ماڵباتەکە هونەرییا هەڤلێرێنە کو ئەو ژی ماڵباتا مرجانی نە.
هونەرمەند (نەسرین مەرجان) ئێکەم ئافرەت بییە کوو ب مەرەما پێش خستنا هونەرێ خوە قەسدا بەغدایێ دکەت و ل ساڵا 1970ێیان دە ل ئەکادیمیایا هورنەرێن جوان یا بەغدایێ دێ دەست ب خوەندنێ کەت.ناسناڤێ وێ (مەرجان) – (داپیرە) بوویە، نەسرین مەرجان ئافرەتەکە زیرەک و جاڤ نەترس بوویە لبەر ڤێ چەندێ ئەڤ ناسناڤە بوو خوە و ماڵباتا خوە هەلگرتییە.
ل ڕێکەفتا 10-06-1947 ل هەڤلێرێ ژدایک بوویە، گوناغێن سەرەتایی و ناڤەندی و ئامادەیێن خوەندنێ هەر ل #هەڤلێر#ێ بوویە، ب هاندان و پاڵپشتییا ماڵباتا خوە ب گشتی و هەر دوو برایێن خوە یێن هونەرمەند (واحید مەرجان و یەحیا مەرجان) وەکە ئێکەم ژنا کورد ل کوردستانێ ب مەرەما خوەندنا زانستی د بوارێ هونەریدە ل ساڵا 1970ێ دە دێچیتە بەغدا و ل ئەکادیمیایا هونەرێن جوان لقا شێوەکاری / نیگار تێ وەرگرتن و پشتی 4 ساڵێن خوەندنێ بە پلەکا باش و لێهاتی باوەڕناما خوە د بدەست خوەڤە ئینیتن.
هونەرمەندا مە د ماوێ ژیانا خوە یا هوونەریدا پشکدارییا چەندەها پێشانگەهێن شێوەکاری کرییە، ئێکەم پێشانگەهێ وێ ب هەڤبەشی دگەل چەند هونەرمەندەکێن کورد ل ئاژانسا دەنگو باسێن عیراقێ د بن چاڤدێرییا سیاسەتمەدارێ وەغەر کریێ کورد (ساڵح یوسفی) بوو، ل ساڵا 1973 وەکە ئەکتەر د زنجیرە درامایا چڵپاو ڕولەکێ بەرچاڤ هەبوویە، ل مەراسیمێن نەتەوەیی و نشتیمانی وەکە نەوروز ل باژێڕێ بەغدایێ ڕولەکە بەرچاڤ هەبوویە.
نەسرین وەکە پێشکێشکارەکە ژێهاتی ل ساڵا 1973 بەرنامەیەکە هونەری بناڤێ (جیهانا هونەر) هەبوویە کە هەفتانە دهاتە پەخش کرن و هەر دوی دەمیدا وەکە بێژەر د ڕادیویا بەغدا ل پشکا کوردی کار کرییە، پشتی کو ل ساڵا 1976 ئەکادیمیایا هونەرێن جوان تمام دکەت دڤەگەڕێت ژبو هەڤلێرێ و ئێکەم پێشانگەها خوە ل قوتابخانا ئەیووبییەیا هەڤلێرێ ب 30 تابلۆیێن زەیتی و ئاڤی دێ ئێختە بەرچاڤ خبو هەژێکەرێن هونەرا شێوەکاریێ.
ساڵا 1982 دگەل کۆمەکە هونەرمەندان پشکدارییا پێشانگەها پۆستەرات دکەت، هەروەسا پشکدارییا چەندەها چالاکیێن هونەریێن ئێکەتییا ئافرەتێن کوردستانێ و سەندیکایا هونەرمەندێن کوردستانێ کرییە.
نەسرینا هونەرمەند ل ساڵا 1983 ژبۆ #دهوک#ێ دێهێت ڤەگوهاستن و ل وێرێ ژیک دگەل هونەرمەندێن وێ دەڤەرێ پشکدارا چالاکیێن هونەرییا پۆستەرات کو ڕێڤەبەرییا چالاکیێن قوتابخانا بڤی کارەی هەستا بوو کرییە، هەر ل دهوکێ و ل ساڵا2004 پێشانگەهەکە تایبەت ل هۆلا شەهید سەلمان دێڤەکەت و 35 تابلۆیێن خوە د نمایش کەت.
هونەرمەند نەسرین مەرجان ل هەڤلێرێ و ل خانەیا ماموستایان وانەیێ هونەر پێشکەش کرییە و بو ماوێ 7 ساڵان ژی ل خانەیا ماموستایێن دهوکێ و ماموستایا وانەیێ هونەر بوویە.
ئەندامەکە کارایا سەندیکایا هونەرمەندێن کوردستانێیە و پشتی خانەنشین بوونێ ڤەگەڕیایەڤ هەڤلێرێ و دڤی دەمەیدا کو ساڵا 2023ێیە ل پایتەختا کوردستانێ یا نیشتەجهە.[1]