ناڤ: سەرۆ
ناڤێ بابێ: قادر
ناڤێ دایکێ: مریەم
ساڵا ژ دایکبوونێ: 1960
جهێ ژ دایکبوونێ: #ڕانیە#
$ژیاننامە$
سەرۆ قادر ل ساڵا 1960 ل باژێڕێ ڕانیە ژدایک بوویە، باڤێ وی قادرێ مام عەلی بوویە و پێشەیا وی جوتکار بوویە، ناڤێ دایکا وی مریەم مەلا ئەسعەد ژ خێزانەکا ئایینی بوویە، د وی دەمەیدا و ل ڕانیە دەیک و باڤێ وی هەردوو نەخویندەوار بووینە و ل ژیێ چل ساڵیدە و ل ژیانا دەربەدەری ل وڵاتێ ئیرانێ خوە فێری خوندنێ کرییە.
باڤێ وی ل ساڵا 161ئان دە دبیتە پێشمەرگە و ماڵا خوە ڤەگوهاستییە ژبو دەشتا بیتوێن و ل گوندێ میراوا نیشتەجێ بووینە، لسەر بیر و باوەڕێن ئایینی یێن ماڵباتا وی سەرو قادر ل ژیێ زاروکی ڤە دێچیتە حوجرێ و بو ماوێ 2 ساڵان دێ یێ بەردەوام بیت، پشتڕە لسەر بڕیارا خوە دێ چت ژبۆ قوتابخانا سەروچاوە و ناڤێ خوە ل ور دنڤیسیت. ب هەر دەردەسەری لێبڕینەک بیت دێ خوەندنا خوە تمام کەت و پشتڕە ل ساڵا 1974 دگەل تێکچوونا #شوڕەشا ئەیلول# تەڤی ژمارەکە بارچاڤا خەلکێ کوردستانا باشوور دێ بەرەڤ وڵاتێ ئیرانێ ئاوارە بن. پشتی 17 ساڵان و دساڵا 1991ئان دە و دگەل #ڕاپەرین#ا مەزنا گەلێ کوردستانێ دێ ڤەگەڕتە وەڵاتێ خوە.
ل ساڵا 1981ئان دە ل وڵاتێ ئیرانێ دێ بیتە ئەندامێ #حزبا شیوعی یا عیراقێ# و سەرپەرشتیا ڕێکخڕاوا وێ حزبێ دناڤا کوردێن ئاوارە دێ وەربگریت، ساڵا 1984 دێ بیتە پێشمەرگە ل ڕاگەهاندنا ناڤەندییا حزبا شیوعی دێ دەست بکارێ پێشمەرگاتییا خوە دکەت. هەر ل ژیانا پێشمەرگاتی کو ل شاخ و کێوێن کوردستانێ بووینە سەرو قادر دێبیتە ئەندامێ کومەڵەیا نڤیسەرێن کوردستانێ و ئەکێتیا نڤیسەرێن کوردستانێ.
ساڵا 1991 واز ل حزبا شیوعیا ئیراقێ دهینت و ساڵا 1993 دێ پەیوەندیێ ب #پارتی دەموکراتی کوردستان#ێ ڤە کەتن، ساڵا 1994 دێبیتە دامەزرێنەرێ دەزگەهێ میدیایێ #گوڵان# یێ سەر ب ڤێ پارتێ، ساڵا 2004 دێبیتە بەرپرسێ مەکتەبا ناڤەندییا ڕاگەهاندنا پارتیا دەموکراتا کوردستانێ.
ئەو دەزگەهێن ڕەوشەنبیری و ڕاگەهاندن کو ب سەرپەرشتییا سەرو قادر هاتینە دامەزراندن :
گۆڤارا گوڵان
تەلەفزیۆنا گوڵان
ڕادیۆیا گوڵان
گۆڤارا ڕامان
گۆڤارا گولان العربی
گۆڤارا گوڵان (کرمانجی بە پیتی لاتینی)
ڕۆژنامەیا ئێوارە گوڵان
دەزگەهێ بڵاڤکرنا پەرتووکا گوڵان
تەلەفزیۆنا سەتەلایتا زاگرۆس
ڕادیۆیا زاگرۆس
گۆڤارا الصوت الاخر
گۆڤارا ستایل
ڕۆژنامەیا هەولێر
تەلەفزیۆنا سلێمانی
ڕادیۆیا سلێمانی
تەلەفزیۆن و ڕادیۆیا بابە گوڕگوڕ
چاپخانەیا موکریان
چاپخانەیا خانی
میدیا سەنتەرا هەڤلێر
ئاژانسا پەیامنێر
چاپ کرنا ڕۆژانەیا ڕۆژنامەیا (ئەڤرۆ)[1]