ناڤ: ئەدهەم
ناسناڤ: شێخ ئەدهەم
ناڤێ باب: عوسمان
ناڤێ دایکێ: خەیرییە
ڕۆژا ژ دایکبوونێ: #16-04-1962#
جهێ ژ دایکبوونێ: گوندێ #بارزان#
$ژیاننامە$
ئەدھەم شێخ عوسمان شێخ ئەحمەد بارزانی، ل16-04-1962 ل گوندێ بارزان ژدایک بوویە، ئەندامێ بەرێ یێ پەرلەمانێ کوردستان و سەروکێ بەرێ یێ حزبولڵاها شورشگێڕا کورد و پسمامێ مەسعوود بارزانی سەروکێ پارتی دیموکراتی کورستان و سەرۆکێ پێشوویێ ھەرێما کوردستانێ یە.
ئەدهەم بارزانی یێ کو ل کوردستانا باشوور ب شێخ ئەدهەم تێ ناسین ناڤێ دایکا وی خەیرییەیە و خەلکێ دیوانییە یا باشوورێ عیراقێ یە، ناڤێ بابێ وی عوسمانە کو کوڕێ شێخ ئەحمەدێ بارزانی یێ برایێ مەلا مستەفا بارزانی یە، شێخ عوسمان ژ ئالێ حکومەتا وی سەردەمەی یا عیڕاقێ هاتییە گرتن و بەزر کرن. بارزانی ژبو دوو جاران ژیانا هەڤژینی یێ پێک ئانییە، هەڤژینا وی یا ددوان ژ نەتەوەیێ عەڕەبانە.
ل ساڵا 1983 ئەدهەم بارزانی تەڤی محەمەد خالدێ پسمامێ خوە ب هەڤکارییا کومارا ئیسلامییا ئیرانێ پارتەکە نوو بناڤێ حزبوڵاها کورد دامەزراند پشتی 5 ساڵان بارزانی ژڤێ پارتێ دەرکەت و پارتەکە نوو بناڤێ حیزبوڵلاها شورەشگێڕا کورد دامەزراند کو ئەو ژی ب پاڵپشتییا ئیرانێ بوو و ل باژێڕێ نەغەدە یا روژهەڵاتێ کوردستانێ چاڵاکیێن خوە ئەنجام ددان. ل ساڵا 2003 ژ بو 2004ێ ئەڤ پارتە ژێک قەتیا و ئەدهەم بارزانی تەڤی لایەنگرێن حزبا خوە سەرنگەرێ خەباتێ ڤەگوهاستە ناڤا پارتی دیموکراتی کوردستان بوویە ئەندامێ سەرکردایەتییا ڤێ حزبێ و ئەندامێ پەرلەمانێ کوردستانێ، ساڵا 2004 ژ پارتی دیموکراتی کوردستان دویر کەت و ژێک جودا بوون ساڵا 2006ێ ژبو جارەک دن ڤەگەڕیا بو ناڤا ڕێزێن پارتی پشتی هەیامەک کورت ژبوو جارەک دن ژێ دوور کەت، ساڵا 2016ێ ڤەگەڕیا و بوویە سەروکێ ئەنجوومەنا سەرکردایەتییا ڤێ حزبێ ل پارێزگەها سلێمانی حەلەبچێ و ساڵا 2018 ژی دەست ژڤی پوستەی بەردان.
د مەها ئادارا 2014 گوتگوتەک هەبوو لسەر هندێ کوو بارزانی دخوازە حزبوڵاها شورەشگێرا کورد ژبو جارەک دن زیندی بکەت و دەست ب چالاکیین خوە بکەت لێ ئەڤ چەندە هاتە رەت کرن و راگهاند کو مە چ ئارمانجەک ژبو ڤی کارەی نینە ودخوازە دناڤا پارت یێ بەردەوام بیت، لێ دساڵا 2021ئان دە ژبو جارەک دن ئەف گوتنە و مەرەما ساخ کرنا حزبوڵا دەرکەت.[1]