ھەڤپەیمانا دەمۆکراسی و ئازادییا کورد کو پارتیا کەسکا چەپ لگەل پارتیێن سیاسی یێن ل باکورێ کوردستانێ پێک ئانیە ئیرۆ کارنامەیا خوەیا دەربارێ ھلبژارتنێن 14 گولانێ دا ئەشکەرە کر.
پارتیا چەپا کەسک کو د ناڤ ھەڤپەیمانا کەد و ئازادیێ دا ژی جھێ خوە دگرە، د ھەمان دەمێ دا لگەل ھندەک پارتیێن سیاسی یێن ل #باکورێ کوردستان#ێ ژی ھەڤپەیمانیا دەمۆکراسی و ئازادییا کورد پێک ئانیە.
د جڤینێ دە دێ ھەڤسەرۆکێ کۆنگرەیا جڤاکا دەمۆکراتک #(DTK)# بەردان ئۆزتورک، ھەڤسەرۆکا پارتیا ھەرێمێن دەمۆکراتیک #(DBP)#، ھەڤسەرۆکا پارتیا چەپا کەسک چگدەم کلچگون ئوچار، ھەڤسەرۆکێ پارتیا دەمۆکراتیکا گەلان #(HDP)# میتحەد سانجار، سەرۆکێ پارتیا ئازادی ئایەتولاھ ئاشتی، سەرۆکێ پارتیا مرۆڤ و ئازادی #(PIA)# کاماچ، سەرۆکێ پارتیا کۆمونیستا کوردستانێ سینان چفتیورەک، سەرۆکێ پارتیا سۆسیالیستا کوردستانێ #(PSK)# بایرام بۆزیەل و ژ کۆمەلەیا شۆرەشگەر، دەمۆکراتا کورد عەبدولھەی ئۆکوموش بەشدار ببوون.
ئەڤە ھەڤپەیمانیا خاپاندنا ملەتێ کورد و ئەنتەگرەی کوردان ب چەپێن ترک رایە. ژ خوە پارتیێن کو د ڤێ ھەڤپەیمانیێ دا جھ دگرن پرانی گرێدایێ پەکەکێ نە و ل گۆرا سیاسەتا پەکەکێ تەڤدگەرن. کۆنگرەیا جڤاکا دەمۆکراتک (DTK) ، پارتیا ھەرێمێن دەمۆکراتیک (DBP)، پارتیا چەپا کەسک، پارتیا دەمۆکراتیکا گەلان (HDP) ئەڤ ھەموو گرێدایێن پەکەکێ نە.
پارتیا ئازادی ، پارتیا مرۆڤ و ئازادی #(PIA)#، سەرۆکێ پارتیا کۆمونیستا کوردستانێ، پارتیا سۆسیالیستا کوردستانێ (پەسەکە) بایرام کۆمەلەیا شۆرەشگەر، دەمۆکراتا کورد . ژ بلی پەسەکێ ئەڤ پارتیێن دن ژ خوە ل گەل ھەدەپێ د ناڤا ھەڤکاریەکی دابوون. نھا پەسەکە ژی تەڤلی ڤی کاروانی بوو. ب ڤێ ھەلوەستێ پەسەکێ بەرێ خوە ژ خەتا نەتەوی کوردستانی ڤەگوھاست و ئالا ئەڤینداریا کەتنا پارلەمەنتۆیێ بلند کر.
بالکێشە کو ناڤێ پارتیا دەمۆکراتا کوردستانا باکور (بەشا سەرتاج بوجاک) و ناڤێ #PDKT# د ڤێ ھەڤپەیمانیێ دا دەرباس نابە. دخویە پەکەکێ کارێ خوە ب وان قەداندیە.[1]