میرزا ئۆلقاڎر، سەوگەند مەوەرۊن بە نیم نیگاو ئازیزېش کە عاشقەن، شەوان تاکو سەحەر (لاو) و چەماش مەشۊن، ئیتر سزام وەسەن، تەکلیفش وەنەکەرۊن یۊشان بشۊ وە لاو ئەویشان، گەرەکشەن دمای وەسڵی، زوڵفانو یارەکېش بپېچۊن نە گەردەن، بۊی هەناسەش بنیۊ دەروازەو باخو سینەو مەمانش، گەر جە وەشیېنە گیانش بەربشۊن، ئانە شەهیدەن، جە سەرای سەنگی چۊڵەنە، جوابو پەرسش نېیەن.
وە نیم نیگای تۊ...
وە نیم نیگای تۊ، وە نیم نیگای تۊ
ئازیزم سەوگەند وە نیم نیگای تۊ
چوون تاف سەیلات شەوان تاکو بە ڕۊ
جۊی ئەسرین گەرم جە دیڎەم مەشۊ
سزام کافیەن تۊ شای داڵەهۊ
یا من تەڵەب کەر، یا ئېشه و ۋیت بۊ
پېچم نە گەردەن زوڵفانت کۊ کۊ
چوون سیاماران گەزەندەی بەڎخۊ
قوفڵ قاپی گەنج گوڵ باغچەی لیمۊ
واز بکەر تۊی تای کەتان یەک لۊ
تاوێ بېئەندېش ڕەقیب بەڎخۊ
لیمۊی گوڵ عەرەق شەمامە و شەوبۊ
بچنوون وە دڵشاڎ، چوون شای تەخت نۊ
ئېڎ گېروون وە دەس ئه و کەروون وە بۊ
بسازوون بەسات بەزم خەسره و خۊ
چەنی تۊ شیرین ئېشه و تاکو وە ڕۊ
زام هەر جاران باوەروون وە سۊ
دەماخم بشۊ پەی بورج شاهۊ
شەرتەن نەواچی دیڎەەم لېڵاو بۊ
واچە بادا باد هەرچی مەبۊ، بۊ
قاڎر جه و دەمدا مەرگ وېش وینۊ
شەهیدش ماچان نەپای وەسڵ تۊ
وە بەینەت قەسەم نەونەمام نۊ
هیچ پەرساش نېیەن جە سارای گڵ‌کۊ.[1]