سترانبێژێ ژێهاتیێ کورد تەحسین تەها ئامێدی ل#25-10-1941# ژدایک بوویە. چونکی بابێ وی فەرمانبەر بوویه، ل زوربەیا باژێڕ و باژێڕوک و ناوچەیێن دەڤەرا بادینان ژیایە، ژبەر ڤێ چەندێ تەحسین خوەندنا خوە ل ناڤچەیێن #مانگیش# و #باتووفە# و باژێڕێ #دهۆک#ێ تمام کرییە و پشتی خوەندنا قۆناغا ناڤەندی، چوویە بەغدا و ل پەیمانگەها هونەرێن جوان هاتیە وەرگرتن و ل ور خوە فێری ئامیرێ عوود کرییە و پڕۆڤەش لسەر سترانبێژیێ کرییە و جاروبار سەردانا ئێسگەیێ ڕادیویا کوردیا بەغدا کرییە و سترانێن ئەڤینداریێ لڤی ئێسگەهەی پێشکەشێ گوهداران کرییه.=KTML_Photo_Begin=https://www.kurdipedia.org/files/relatedfiles/2008/361/0003.JPG=KTML_Photo_Alt=تەحسین تەها=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/361/0003.JPG=KTML_Photo_End=
تەحسین تەهایێ هونەرمەند لوی سەردەمەی کو بارودوخێ کوردستانێ نەیێ خوەش بوو چوویە وڵاتێ هۆڵەندا و چەند ساڵەکان ل وێرێ ب ئاوارەیی ژیا، هەیا کوو ل 1995-05-08 دە ل نەخۆشخانەیەکا هوڵەندا ب نەخوەشیا دلی وەغەرا داویێ کر و تەرمێ وی ل #1995-06-04# گەهشتە کوردستانێ و ل ئامێدیێ هاتە بخاک سپاردن.
ئەڤ هونەرمەندە ل هاڤینا ساڵا 1964دە خوەندنا هونەرێن جوان تمام کر و ژبو پاییزا وێ ساڵێ دبیتە مامۆستایێ پەروەردەیا هونەرێ ل قوتابخانەیا مەخموورا سەرەتایی ل پارێزگەها #هەڤلێر#ێ و گەلەک چالاکیێن هونەریی د بوارێ موزیک و سروودێن نشتیمانی لوێرێ ئەنجام دان و هەروەسا بوارێ شانۆیێش لڤی باژێڕوکەی بەرەڤ پێش دبەت و ماڵا خوە ژی دکەتە مەڵبەندەکە هونەریی و یانەیا موزیک ژەن و ستران بێژێن کورد.
تەحسین ل ساڵا 1968 دە ژبو باژێڕێ هەڤلێرێ و ل قوتابخانەیا ئێەکەم یا نموونەییا هەڤلێرێ دبیتە مامۆستایێ سروود و موزیکێ، گیانێ هونەری دناڤا قوتابیاندە پەروەردە دەکەت و ل دەرڤەیێ قوتابخانێ ژی دە تەڤی کۆمەک ژ موزیک ژەن و هونەرمەندێن ڤی باژێڕەی تیپا هونەری یا هەڤلێرێ دادمەزرینیت و خزمەتێکەزۆرا هونەرێ کوردی دکەن.
هونەرمەند تەحسین تەها ل پشکا چالاکیا هونەرییا سەر ب ڕێڤەبەراتیا گشتیا پەروەردەیا هەڤلێرێ دبیتە ڕاهێنەرێ موزیک و سروودێن قوتابخانەیان و کۆمەکا باش ل قوتابیان فێری موزیکێ دکەتن.
ئاوازێن ڤی هونەرمەندەی پتر ل ئاوازێن میللی و کەلەپووری و هونەرێ نەتەوێ کورد هاتیە وەرگرتن و بەحسا ژیانا گوندان دکەت، هەمی ل ژیانا کومەڵایەتی و ئەڤینێ سەر دگرن زوربەیا وان ئاوازان ژی لسەر مقاما (بەیات) دهاتن گوتن، چونکی دگەل دەنگێ وی دگونجا و ل موزیک زان و ئاواز دانەرێن کورد کارێن دڵشاد محەمەد سەعید و ئەنوەر قەرەداغی بدلێ وی بوون، ل ستران بێژانیش زور کەیف بدەنگێ #محەمەد عارف جزیری# و #تایەر تۆفیق# و #شەماڵ سائیب# دهات.[1]