چن ڕانمایێ پەی ژیوای هامسەرگیری دلۍ ئایینو زەردەشتینە :

1.کناچۍ وەختێ تەمەنش یاوا (9) ساڵۍ کریۊ و گونجیۊ نامۍ شووکەردەیش بریۊن، بەڵام فاڕایۆش پەی یانەو مېردەکەیش مەشۊم تەمەنش جە (12) ساڵا کەمتەر نەبۊن.
2.کناچۍ وەختێ پەی یەکەم جاری (سەر و عوزرش شت) ئیتر مەشۊم بە شوو دریۊن، گەر بە شوو نەدریۊ ئانە تاتەش تاوانبارەن، بەڵام گەر (سەر و عوزر) شتەکەیش چن بارە بېیۆ ئانە تاتەکەش ئاڼە جار تاوانبارەن، مەبلەغو (1500) درهەما سزاو هەر جارێن، ئانە چی دنیا، چۆ دنیاچ سەرو پردەو (جینوەت) یۆ سزاو تاتەکەی دریۊن.
3.خاستەرین چېوێ پەی کناچا دمای تەمەنو (15) ساڵی شووکەردەیەن.
4.نیشانەکۍ ژەنۍ خاسۍ ئینېنۍ (دامنە پاکی، عەزیەت نەڎای مېردەکەیش بە زوان، پارېزنای ئابووری یانەی، چەنی هامسەرەکەیش ڕېک و پېکە بۊن، پارېزنای کەل و پەلو دلۍ یانەی) .
5.گرڎ کەسێ سەرشەن هامکاری هام تەمەنو وېش کەرۊن پەی بنیاڎ نېیای خېزانی و پېڎا کەردەی مەعیشەتی.
6.کۊمەک کەردەی پا کەسا کە تەمەنشان یاوان قوناغو (باڵق بېیەی) و هەڵای ژەنیشا ناردېنەو یانەشا نېیەن.
ئاهورامەزدا فەرماوۊ: ئەی زەردەشتی ئەسپیتمان، پېیای ژەندار جە پېیای بۍ ژەنی و پېیای خاوەن ژەن و یانە جە پېیای بۍ ژەن و یانەی خاستەرەن جە لاو ئېمۆ.[1]