کوڕی من هیڤیدار، ئەز دزانم چەند توو حەژ ل پێشکەتنێ و پێگەهشتنێ دکەی، لێ بەلێ بو هندێ کوو فێربی نابیت بەس چاڤێ تە ل شاشەیان بیت، ب تنێ چاڤێ تە ل وان دەمان بیت ئەوێن کوو ل شاشەیێن تەلەڤزیونان دبینی و دفڕن هەیا وی ئاوایەی کوو توو خوە وەکە سوپرمان ببینی. کوڕێ من ب تەنێ خوەندنا پەرتوکان و لبەرکرنا قاتەکێ تورکی و هەلگرتنا جەنتەیەکێ بەس نییە، لێ گوهدارییا مروڤێن خوەدی ئەزموون گەلەک یا گرنگە. بەری کوو توو خوە بفروشییە تورکان پێدڤییە تە پرس بمن کربا، چونکی من ئەزمونەک دڤێ چەندێ دە هەیە. دەبی تە پرسا هندێ کربا کوو خوەفروتن بو دوژمنی دێ مروڤ مەزن بکەت؟ دێ من لدەف تورکان خوشتڤی بکەت؟ ئانکو وەکە ئاژەڵەکێ پیس دێ من بینن؟ کوڕێ من هیڤیدار، ئەم کورد مرۆڤێن وەساینە کوو هزر و بیرا مە گەلەکا لەوازە و زی تشتان ژبیر دکەین، هەیا وێ چەندێ کوو ئەم نکارین دەمێن بوهری بینیتەڤ پێش چاڤێن خوە، هەرلبەر لبەر ڤێ چەندێ شە کوو ب ئاسانی و ل هەمی قوناغاندە خوە دفروشین. ببینە من دە ساڵان بەریا نها خوە فروت ب #ئاکەپە# و ئەردۆغان، وی دەمێ کوو ل کولانێن #ئامەد# ێدە برایێن من دکرنە زیندانان دە، لسەر هەڵواسینا دروشمێن #هەدەپە# و کوردان، لێ ئەز ژی وەکە ئاژەلەکێ پیس لدەف ئەردۆغان و تورکان بووم، فۆتۆ و پۆستەرێن ئەردۆغان لدەستێ من بوون، من ژبوو جەلادەکی دەنگ کۆم دکرن، کو ڕوژانە بە ناپاڵم و چەکێن قەدەغە کری ل کۆڵانێن #جزیرێ# و #گەڤەر# و #سلۆپی# دە کۆمکوژیا کوردان دکر. ئاخ هیڤیدار، دبیت تێبگەهی، خوەفروتتن چەند ئاسانە لێ کڕینا دەمێن بەریا خوە فروتنێ چەندا گرانە. ئەز هەمی ژیانا خوە ددەم هەیا ئەوان فۆتۆیان هوندا بکەم کو تەڤی ئەردۆغان من گرتینە، تە نها دڤێت ژبو پشتەڤانییا کاڵایێن تورکی بچییە ئەنقەرە و وینەیان تەڤی ئەردۆغان بگری. کوڕێ من ل دوماهیێ دبێژم تە بشەرەفترینیێن کوردان لدەف تورکان ئەون، ئەوێن کوو نها ل چیایانە و تەڤی وان مرۆڤێن نشتیمان پەروەرن کو نها بایکۆتا کالای یێن تورکی دکەن. ئەز و توش توو نینە ژبلی ئاژەلەکێ پیس، تە ئەو ڤیدۆ دیت کو چاوا تورکان ل شاشەیان ئەز سڤک کرم و تفان لمن دکەن، بو تو وە دزانی کوو دکاری لمن پتر ژبو تورکان بکەی. کوڕێ من ئەگەر ئەز ل جهێ تە بسم هەر نها من داخوازا لێبورینێ ل میلەتێ خوە دکر، هەیا هندێ دی سەرشوڕ نەبی، بلا وەکی مە شەرموزار نەبی لدەف خەلێ خوە.
بابێ تە شڤان پەروەر
کۆلن ئەڵمانیا
23-10-2019
⚠️ تێبینی: کوردیپێدیا ل دروستییا ڤێ بەڵگەنامەیێ یا پشت ڕاست نییە، ئەگەرا بەڵاڤە کرنێ ژی بو ڤێ چەندێ یە کو ل پاشەڕوژێ دە ڕاستی و دروستیا ڤێ بەڵگەنامەیێ بهێتە پشت ڕاست کرن. [1]
Bu makale (کرمانجی) dilinde yazılmıştır, makaleleri orijinal dilinde açmak için
sembolüne tıklayın!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Bu başlık 313 defa görüntülendi
Bu makale hakkında yorumunuzu yazın!