لە ساڵا 1947 ل باژێڕێ #سلێمانی# ژدایک بوویە. ل قوناغا خوەندنا ناوەندی هاتییە زییندانی کرن. ل ساڵین هەفتێیاندە ئێکەک بوویە ل دامەزرێنەرێن یەکێتی نشتیمانیی کوردستان. ل ناڤەندا ساڵێن هەفتێیاندە دێ بەرەڤ ئەوروپا کەڤیتە ڕێ و ل نەمسا جێگیر دبیت و مژیویلی خوەندنێ دبیت. ل ساڵا 1985 ل بەرلین باوەڕنامەیا دکتۆرایێ ل زانستێن سیاسەتا نێڤدەوڵەتی بدەست خوەڤە ئیناندییە. دامەزرێنەرێ گۆڤارا (مینبەر ئەلحیوار) بوو ل بەیرووتێ د ساڵا 1986 . چەندین پەڕتووک نڤیسینە و تەرجەمە کرینە.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2009/2814/0005.JPG=KTML_ImageCaption_Title=ئارام و فازیل مەلا مەحمود مەلا ڕەسوڵ=KTML_ImageCaption_CaptionStyle=000000=KTML_ImageCaption_Caption=ئارام و فازیل مەلا مەحمود مەلا ڕەسوڵ=KTML_ImageCaption_End=
تەرجومەیێن وی ل فارسی بو عەڕەبی: ئیران غوربەتا سیاسەت و شۆڕەشێ، ئەبولحەسەن بەنی سەدر. سنوورا جیاکەرەوەیا سیاسەت و دین، مەهدی بازرگان. نەفت و کۆنتڕۆڵ، ئەبولحەسەن بەنی سەدر.
نڤیسینێن وی: عەلی شەریعەتی هوسا گوت، ب زمانی عەڕەبی. ئیسلام و دیروکا کورد (چاپ نەبییە) . زلهێزێن جیهانێ و بزووتنەوەیا ڕزگاری خوازا جیهانا سێهەم (کورد و سۆڤیەت) ، ب زمانی ئەڵمانی. جەنگێ ئێراق و ئیران، بە زمانی ئەڵمانی و عەڕەبی. چەندین گوتارێن هزری و سیاسی ژی ب زمانی کوردی و عەڕەبی و ئەڵمانی هەنە.
ئێکەم کەسە ل جیهانا ئیسلامی ژبو ئێکەم جار هزرڤانانێن ئیسلامی و سیکۆلاری و ناسیۆنالی لسەر یەک مێزا مشت و مڕێ کۆم کر ل قاهیرەیێ و ل ساڵا 1989 .
خوەدیێ پڕۆژەیا یەکێتیا شارستانیا ڕۆژهەڵاتا ناڤەڕاست بوویە و باوەڕیا وی وەبوویە کو کورد هاتییە پەرچە کرن و دبیت دەوڵەتا سەربەخۆە هەبیتن و فرە ڕەنگیا نەتەوێن ڕۆژهەڵاتێ دناڤا ئێکێیەتییەکا گونجاودە بهێت پاراستن.
فازڵ ب هزرڤانەکێ ئیسلامی یێ مەزن بارنیاس بوو ل ناڤەندێن ڕەوشنبیری یێن جیهانا عەرەبی. ل پشتی نیڤییا ساڵێن هەفتێ ها سەدەیا بوهری هزرا وی گوهڕا و ل مارکسیزمێ ژبو ئیسلامێ. ڤێ گوهرانێ وەکر کو یەکێتی نشتیمانی کوردستان ب چاڤەکێ دن ببینیت و ئەڤە ژی هۆکار بوو ک فازڵ ل ناڤا کوردستانێدە کەسایەتییەکە بزر و نە ناس بیتن.
ل ڕۆژا #13-07-1989# د دەمەکی دە کوو وەکە ناڤەندگێڕێ دیالۆگا دناڤبەرا #حزبا دەموکراتا کوردستانا ئیران#ێ کو دکتور #قاسملوو#، #عەبدوڵڵا قادری ئازەر# بوون، کەتە بەر دەسڕێژا پیلانەکە تەروریستی ژ ئالێ دەسهەڵاتدارێن وی سەردەمەی یێن کومارا ئیسلامی یا ئیران و گیانێ خوە لدەست دا. ساڵا 2010 ل هەمان ڕێکەفتێدە لۆحەیەکە بیرئانینا ڤی یادێ تاڵ ل جهێ تەرۆر کرنا وێ هات دەینان کو ئەڤ ڕاستیە لسەر هاتییە نڤیسین کو ئەنجامدەرێ ڤی کارەی کو بوویە. جهێ ئیماژێیە کوو ئەڤ تابلۆیە ژ ئالێ عەتا نەسیری یێ خەڵکی دێواندەرە کوو ئەو ژی پێشمەرگەیە هاتییە دروست کرن.[1]