جەنگ بە کۊنە قینی کریۊ
جەنگ بەرکۆتێوە ژیوای مرۊڤیەن، وەختێ مروڤەکۍ تەماعەو دنیێ و بەخېڵی و غەرەز و سیفەتە ناشیرینی و شەیتانیەکۍ زاڵۍ مەبان ملشەرە، ئیتر ئاشتی و پېوەرە ژیوای گومۍ مەبان، جەنگ وېش مرمانۊو هۊشو ئینسانەکا داگیر مەکەرۊن، دنیا هەر پاسە ئامان، مروڤەکۍ پەلامارەو یۊترینیشا دێنەو کوشتار و تاڵانیشا جە یۊی کەردەن، بەڵام دمایی کە قینەکېشا نیشتېنۆ جەنگ مدران.
وەڵینا واتەن جەنگ بە کۊنە قینی کریۊن، وەختێ دوۍ کەسۍ، یان چن کەسێ گرفتێ مەگنۊ مېیانشان، دەمە بۊڵەو دژمانی بێنشانە ویەران، دڵشا وەراوەر بە یۊترینی گەردە مەگېرۊن، ئا قینۍ دلۍ دڵیشانە چەکەرە کەرۊنو وەرە وەرە گۆرۍ بۊن، مەیاوۊ بە ڕادێ ئیتر حەزشان پەی جەنگی و پەلاماردای فرە مەبۊن، پەی نوونگێوە مەگېڵان کە پریشکەو ئایېرو قینەکېشا گەشناوە، ئا وەختە بە دڵ مەگژیاو هەر یۊشان مەرەجیۊش ئینا سەرو هەقیۆ.[1]
Bu makale (هەورامی) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Bu başlık 715 defa görüntülendi
Bu makale hakkında yorumunuzu yazın!