ئانە چی چانېنمۍ؟
وەختێوەنە کە ئارەزوەکاو دڵی زاڵێبا ملو کیسەی و تەماعێو زەڕیرە و ملی پەی دەشت و دەری ئیتر ئا بەشە تەمایعیەو زاڵم بېیەیترە جەلاشەتنە بەرمشۊو پەپولە ئاسا گەشتەکەی کەری هیچ زوڵم مەکەری، یاوای گۆراڵێوە سنچکەش پەی مڐەی و دەس کەری لاونایش کە گۊشت جە وانای ژەرەژېوەبۊ گۊشش پەی شل کەری و هەرچیچ وینی گرڎ دەسکردێ خواینێ و گەورەیی خوایت پەی بەرگنۇەو ئیتر دەس کەری ڕازو نیاز کەردەی چەنی خالقی و فرەوجاری هیچت پەنە مەوچیۆ تەنیا بەگرەوای تاوی حەقو خالقی دەی ئیتر بۍ دەنگ بی تەنیا وېش یاوۆنە جە نیەتو دڵیت. ئەر شەوېچ چا مەنیۆ بڎیەی عاسمانی ساف و سۆڵی، کەوە، هەرچی هەسارێنێ وېشا مرمانا، پېسە هەسارەو واڵەو بڕاڵەی، حەوتەوانێ، ترازیێ، هەسارەکەو کۆی، کاکېشان، مانگەی زەریفەو زلە، هەسارەکەو ڕۊی، کاروان کوژە، گەلاوێژی پڕشنگدار، ئتر چانە، نە تەماعە، نە زوڵم، نە هیچ نمێ خیاڵترە، ئەجۆت چا گەشتنە مری شەهیدنی. تامەیۆ چەمتگنۆوە بیناو تەلارێ و باڵاخانێ بەرزێ و بازاڕو دووکان و حەچچی مێ وەرە چەمات گرد مەخلوقی دروس کەردێنێ، ئا وەختە دەس وەشی جە مەخلۆقی کەری، تەنانەت عاسمانیچت وەنە دیار نېیا، ژیوگای پیسی وەروو ئاسمانیش گېرتەنو ئا مانگە زلێ کە پا زلی هەنە دیارە نېیەنە ئیتر بیوە دڕندەکەو جارانی.
عفان دەرەمەڕی.[1]
Bu makale (هەورامی) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Bu başlık 208 defa görüntülendi
Bu makale hakkında yorumunuzu yazın!