وەنەم پەرسا دمای ئی گردە ساڵەیە چی هیچت نېیەن؟
خۊ فڵانە کەسیچ ڕەفێق و تۆن بزانە یاوان کۆگە.
هۊشما هەشت ساڵێ عومرم بۍ ، ڕوېشا مەکتەبنە بەردیمێشا پەی مەعمەلو وەشکەردەی پسکیتا،
ئېمەشا ڕیزێ کەردیمێ و بەردیمێشا دلێ مەعمەلەکەی پەی ئانەی شێواز و وەشکەردەی پسکیتەکا بوینمێ.
وەختێ یاوایمێ ئا بەشەی کە جیهازەکە پسکیتەکا فڕەمڎۊ جبەر،
بەعزێ جە زاروڵەکا ڕیزەکەنە لوێ جبەر و بەعزێ چا پسکیتاشا هۊرگېرتێ و واردێشا کە جیهازەکە فڕەشا دێ جبەر،
من سەرو حساب و ئا تەربیەتی کە کریابێنا زانێنا ئانە هەرمانێ چەوتە و چەوێڵەنە، هەر ۋەرو ئانەیە ڕیزەکەنە مەنانێ و دەسم نەبەرد پەی پسکیتەکا،
بەڵام ئەخیرۆ ئایێ پسکیتێشا واردێ و منیچ بۍ پسکیت مەنانێ ، ئیسە پەنجا ساڵێ عومرما، ئا ڕوە لوا، بەڵام ئەزموون و ئا ڕۊیە چن جارێ جە ژیانمەنە دوەبارە بېیەنۆ، فرە و یاگانە تەقالام دان کە ئینسان بونەو بەعزە چیوێ وەرچەم گېروو،
بەڵام جە ئاخیرۆ من هیچم نیا، وە ئانێچە کە پەی یاوای بە ئامانجەکاشا فرەو چیوی منیا چېرو پەیاشا، تام جە پسکیتەکا دەسیشا وەرگېرا!
هەر چاوەختۆ تاکو ئیسە پرسیارەی هەرە گەورێ ژیانیم ئانێ بېیېنە: ئایا خاس بېیەی و خاس مەنەیۊ مهێمتەرا یان یاوای بە پسکیتەکا ژیانی؟
ئانەیچ پەی ئا کەسا کەتۆ سەرو حساب و پسکیتەکا دەسیت هۊرسەنگنا!
ئینەی باسم کەرد یاڎەوەریێ ئەکتەرو سینەماکاری ئێرانی (پەروېز پرستویی) ین.
فراوان عەفان.[1]