ئەمیندارا گشتی یا حزبا سووریا یا ئاییندە، هێڤاریا ڕوژا #11-10-2019# دەمێ کو ب ڕییا گشتی یا نێڤ دەوڵەتی بەرەڤ #قامشلو# دچوو، کەتە بەر بۆسەیەکە چەتەیێن هەڤکار یێن سوپایێ داگیرکەرێ تورک کو بو وان ئۆتۆمبیلێنن کو ب ڤێ ڕیێ دە گوزەر دکەن دهێن دەیناێن. شەهید بوو.
هەڤرین ساڵا 1983 ل باژێڕوکێ #دێرک# یێ ڕۆژئاڤایێ کوردستانێ ل ماڵباتەکە نیشتمانپەروەر ژدایکبوویە. خوشکەکا وێ شەهیدە و دەیکا وێ ئێک ژ وان ئافرەتان بوویە کو ل ڕیزێن پەکەکەدا کار و خەبات کرییە و دیدارەک تەڤی #عەبدوڵڵا ئۆجەلان# هەبوویە. هەڤرینێ کولێژا ئەندازیاری یا کشتوکاڵی ل #حەڵەب#ێ تمام کرییە.
ل ساڵا 2012 دگەل دەست پێکرنا شوڕەشا ڕوژئاڤادە، هەڤرین چالاکانە و پشکدارەکە سەرەکە یا ڤێ شوڕەشێ بوویە و بەرپرسیارییەتیا ڕێکخستنا گەنجان ل ئەستو گرتیە ودڤی ئەرکەیدە گەلەک یا سەرکەتی بوویە.
پشترە بوویە بەرپرسێ ڕێکخستنا سازی یێن کۆمەڵگەها مەدەنی و پشترە بوویە بەرپرسا ئەنجوومەنا ئابووری ل باژێڕێ قامشلو. لدویف ڤان ئەرکێن کو پێهاتینە سپاردن و پشتی ڕاگهاندنا پێکهاتەیا ڕێڤەبەری یا خۆسەر، بوویە جێگرا دەستەیا وزە ل هەرێما جزیرە و پشتڕە بوویە هەڤسەروکا دەستەیا ئابووری لوێ هەرێمێ. ل دەستپێکا ساڵا 2018 تەڤی کۆمەکا کەسایەتی یێن دن ل (سووریا) یێ دەست کرییە ب دامەزراندنا حزبەکا سووری.
ڕوژا 27ێ مارس یا ساڵا 2018 ل کۆنگرەیا دامەزراندنا پارتا سووریا یا ئایندە کو ل #ڕەققە# ب بەرهەڤیا چەندین کەسایەتی یێن کورد و عەرەب و سریانی بڕێڤەچوو، هەڤرین خەڵەف وەکە سکرتێرا گشتی یا وێ پارتێ هات هەلبژاردن.
ئەحمەد حسێن جاسم یێ بەرنیاس ب ئەبو حەفز شەرقییە بەرپرسیارێ وێ گرووپا تەروریستی بوو کوو هەڤرین خەڵەف شەهید کرن، ب پیلانەکە تۆکمە ژئالێ شەڕڤانان ل گوندکێ #عەین عیسا# ل نۆڤەمبەرا 2019 هات کوشتن. [1]