ل ساڵا 1969 ل باژێڕێ #ئەرزەروم# ژدایکبوویە، خوەندنا خوە یا سەرەتایی و ناڤەندی هەر لڤی باژێڕەی تمام کرییە، پشترە چوویە هەر دوو باژێڕێن ئەدەنە و ئیستانبوڵ ژبو تمام کرنا خوەندنێ. پشترە بەرێ خوە دایە کارێ هونەری و ب هەڤکاریا چەند ماموستایەکان ژبو ماوێ سێ ساڵان مژیویلی خوەندنا موزیکێ بوویە، دەربارێ هندێ کوو ستران و موزیک ببوون ب حەزا وێ یا هەمیشەیی گوهێ خوە ل دەنگێ کوردی یا ڕادیۆیا یەریڤان دگرت و زور حەژێکەرا دەنگێ هونەرمەندێن دەنگ بێژ #مەریەم خان# و #ئایشەشان# و #شاکرۆ# بوویە و سترانێن وانا دوبارە دکرنەڤە، هەیا نها چەندین سیدی و کاسێتێن سترانێن پێشکەشی هونەرا کوردی و گوهدارێن خوە کرینە.
جانێ خوەدییا هەر دوو ڕەگەزنامەیێن تورکی و ئەڵمانیە پشتی هندێ کو ل ساڵێن نۆهەدان وەکە پەنابەر بەرێ خوە دکەتە وڵاتێ ئەڵمانیا ل گەرمەیا کێشەیا کورد و تورکان ل وڵاتێ تورکیایێ.
ڕۆژا #14-11-2018# دەستەیا دادگەهی کرنا تورک ب بیانوویا (پڕوپاگەندە کرنێ ژبو ڕێکخستنان) سزایا 6 ساڵ و 3 مەهێن زیندانی کرنێ ژبو هونەرمەند جانێ دەرئێخست، پشتی کو ل دەڤەرا ئێدیرنە دهێتە دەستەسەر کرن، ل مەها شووباتا ساڵا 2021 کەچا جانێ ژی ل تورکیا هاتە دەستەسەر کرن.
ئاژانسی دەنگوباس یا ئەڵمانیا، ل دەڤێ پارێزەرێ هۆزان جانێی ڤەگوهاست، هێڤاریا ڕوژا چارشەمبیێ ڕێکەفتا #30-09-2020# جانێ ل بەندیخانەیا بەکرکۆی ل ئیستەنبوڵ هاتە ئازاد کرن و پشتی دوو ساڵان دەستەسەر کرن ب تۆمەتی تەرۆرێ لڤێ بەندیخانەیێ.
نەورۆز ئاکالان، پارێزەرێ هۆزان جانێ، ڕاگهاند سەرباری ئازادکرنا وێ ل بەندیخانەیێ، لێ جانێ نکارت ژ تورکیا دەربکەڤت و قەدەخەیا هاتن و چونێ لسەر وێ هەنە.
ئاکالان ئەڤە ژی ئاشکرە کر، کو دادگەها تایبەتمەند یا کەیسا جانێ، ل پشتی گوهدار کرن ل تیما پارێزەران ، ب ئازادکرنا جانێ ڕازیبوویە کو پشتی بڕیارا ئازاد کرنێ ژی هەیا دەمەکێ زۆر ل بەندیخانێ مایە. [1]