حەفتا و پەنجەمین ساڵڕۊ جاڕنامەو گەردوونی مافوو ئانزانی
حەفتا وپەنجەمین ساڵڕۆ جاڕنامەو گەردوونی مافوو ئانزانی جە گردلایە پیرۊزبۊ. بەبۍ گومانە پەسەنڎ کەردەی و بە جەهانی کەردەی ئی مافە بنەڕەتیا دەسکۆتێوی گەورەبێ پەی کۊمەڵگاو ئانزانیەتی. بەشێوی وەرچەم جە مادەکاو ئی جاڕنامەیە جە یاسای بنەڕەتی وەڵاتە دێمۆکراتیکەکانە کریاێنێ بە یاساو چەسپیاێنێ. ئارۊ جە پانایی دنیاێنە هۆرزووکەوتوو گرد دەسەڵاتێو پەی وەرچەم گېرتەی و چەسپنای مافوو هاموەڵاتیەکاش پی مافا بەرئاورد کریۆ. وە هەرپاسە ڕەوایی یاسای بنەڕەتی گرد وەڵاتیو دیسان بە چەسپنای مافوو ئانزانی کە چی جاڕنامەنە ئامان بەئاورد کریۆ. ئینە وېش دەسکۆتێوی گەورەن. بەڵام ئی پەرسێچە یاگێ وېشەنە بەردەوام کریۆ کە چی دماو (75) ساڵا هیشتای مافوو ئانزانی بێبەزەیانە پاشێل کریۆ و تەنانەت تاوانکاری دژ بە ئانزانیەتی بە ئاشکرا ئەنجام دریۆ، بەڵام کەمتەر تاوانکارێو دریۆ بە دادگای و بە سەزاو تاوانەکاش یاوۆ؟ جوابوو ئی پەرسێ بە کورتی ئانەنە کە داخەکێم تاکو ئیسە یاسایەوی گردگیر پەی بەیاگێ ئاردەی و پاشێل نەکەردەی (ضمانت اجرایی) ئی جاڕنامەیە بېیەیش نېیەن. نەبېیەی گەرەنتی بەیاگێ ئاردەی (ضمانت اجرایی) گەورەتەرین لاوازی ئی جاڕنامەینە.
موختار کەریمی.[1]
Bu makale (هەورامی) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Bu başlık 240 defa görüntülendi
Bu makale hakkında yorumunuzu yazın!